La Barra Tapas Spanish Restaurant

Open Now

Now Closed

今日食咗喺長沙灣嘅一間西班牙菜餐廳 La Barra Tapas Spanish Restaurant，好有驚喜一坐低我就叫咗枝Apple Cider，餐廳serve嘅係Maeloc牌嘅有機蘋果酒，好清新又唔會太甜，好容易入口。第一道開胃菜係炸西班牙小青椒，雖然係青椒但係唔辣，上面淋咗橄欖油，再灑咗少少鹽，好滋味！Panceta with Toast都好出色，西班牙煙肉有鹹香味，而且油脂感十足。多士烘到脆哂，上面加咗橄欖油，加埋一齊食非常配合。仲有芝士條，可以自行灑上去。燒蘆筍配紅椒堅果醬，美觀又健康嘅一道菜，紅椒堅果醬有花生醬味，上面鋪咗啲芝士同堅果，蘆筍夠爽脆。Pyeness Lamb Spare ribs羊小排，肉質好腍，除咗本身調味之外仲淋咗薄荷醬同sour cream，非常惹味。配菜有蕃茄仔同薯仔，薯仔焗到皮有少少香脆，同時入面軟硬適中。雖然最近食咗好多嘢，但係我都忍唔住叫咗甜品西班牙油炸鬼，可以點朱古力醬同雪糕，朱古力醬香濃但唔會好甜，炸到外脆內軟之後咗之後上面灑咗少少糖，好邪惡但係好好味！