Video
Read full review
2021-06-10
42 views
平時好少上連城 今日咁啱有機會即管試下呢度d餐廳 上OpenRice 睇完覺得呢間可以一試 點知就中伏！Lunch 時段見入面未滿 我一位 門口個男侍應初頭安排我坐正廚房出面（喺正廚房出面）我見有其他枱就問有冇第二張枱 跟住佢即刻細細聲鬧 話其他果d都係4人枱 冇聽錯嘅話佢仲講埋粗口。然後佢安排我坐另一張枱（其實都唔係4人枱，只不過佢將兩張2人枱放埋一齊，隔離仲有個人食緊），跟住又細細聲咁爆粗。我真係呆咗。鬧還鬧，唔該唔好鬧出聲俾我聽到，或者真係唔想嘅話你都可以話得呢張枱 或者叫我再等等，我都可以接受。好喇，唔講服務態度差，講食物。認真個四寶粉極其量都只係普通貨色，完全冇特別，份量亦不多，性價比偏低。個越南春卷由外觀到味道亦不太吸引。咁都要$70。唔值。其實唔止我一個想調枱，之後有個客入到嚟都話想調，跟住同一個男侍應又係話因為係4人枱唔俾調，但係果度明明係兩張分得好開嘅2人枱！好少寫食評，但係差到咁冇得唔講，以免大家再中伏！唔明點解咁多好評，之後再經過亦有好多客（可能好似我咁第一次試掛）。講到幾巴閉都冇用，要自己試過先知！$70當交學費，but ruined my lunch!要唔要中
Lunch 時段見入面未滿 我一位 門口個男侍應初頭安排我坐正廚房出面（喺正廚房出面）我見有其他枱就問有冇第二張枱 跟住佢即刻細細聲鬧 話其他果d都係4人枱 冇聽錯嘅話佢仲講埋粗口。然後佢安排我坐另一張枱（其實都唔係4人枱，只不過佢將兩張2人枱放埋一齊，隔離仲有個人食緊），跟住又細細聲咁爆粗。我真係呆咗。鬧還鬧，唔該唔好鬧出聲俾我聽到，或者真係唔想嘅話你都可以話得呢張枱 或者叫我再等等，我都可以接受。
好喇，唔講服務態度差，講食物。認真個四寶粉極其量都只係普通貨色，完全冇特別，份量亦不多，性價比偏低。個越南春卷由外觀到味道亦不太吸引。咁都要$70。唔值。
其實唔止我一個想調枱，之後有個客入到嚟都話想調，跟住同一個男侍應又係話因為係4人枱唔俾調，但係果度明明係兩張分得好開嘅2人枱！
好少寫食評，但係差到咁冇得唔講，以免大家再中伏！唔明點解咁多好評，之後再經過亦有好多客（可能好似我咁第一次試掛）。講到幾巴閉都冇用，要自己試過先知！$70當交學費，but ruined my lunch!
要唔要中伏，自己諗！不過要有心理準備無啦啦俾人問候。😀
P.s. 係後生啲果個男侍應有問題，老果個ok。
Post