食意 (Closed)

這間意大利餐廳嚮一間精品式酒店地下，外面睇門面細細，講真真係唔係好起眼。入到去才知是別有洞天，裡面幾算濶落，枱與枱空間及通道一d都唔逼，而且裝潢簡潔，感覺企理舒適。外觀類似是切開了的pizza餅底，隔離的小碟是黑醋，聽店員講解這是用作提振胃口的餐前小食，幾特別!這碟沙律除了蝦肉，還有拆殼的蟹肉，而且不單有芝麻醬，還有另外調配的醬汁，好惹味的!清酒煮澳洲青口，食時第一個感覺是口感有點像蠔。平時食青口或多或少，總會有少少靭，但這碟半點也沒有。比薩一定要是焗製，所以面層的配料一定會溶會乾及少少燶。這巴哈馬火腿芝士比薩則丁點也沒有，上面的配料仍然保持差鮮潤。凡是炭燒的食物都必定會更加好味，這T骨扒的size異常巨大兼厚肉外，還異常juicy。我仲想講的是，二個大男人都未必食得晒。西班牙有氣果汁唔會好甜，好fresh、好清涼，啱晒這個盛夏。