黃枝記 (Closed)

去開中環, 原來銅鑼灣都開了分店, 記得之前這個位置是新加坡的阿坤, 也來過一次, 感覺不太良好, 現在換了黃枝記, 合我心水, 皆因我也是雲吞麵迷, 一個星期, 起碼要食兩、三次...新店的裝飾, 零捨金碧輝煌, 十分光猛, 還設有一個做麵房間, 扮到...都好專業吓喎....哈哈...太肚餓, 先落單, 叫了一碗及第粥, 材料都算豐盛, 肉丸彈牙, 豬膶剛熟, 夠滑, 豬腰爽脆, 豬肚煙韌中帶爽口, 豬腸....不是我所好, 無食....粥身綿綿, 好滿意.每星期都起碼食兩至三碗雲吞麵, 各家的水準不同, 有鹼水味...無鹼水味的, 同樣喜歡, 這家的麵, 標榜無鹼水味, 麵身雖然比街外的鹼水麵略為軟淋, 但有蛋麵的特別味道, 正是各有所長, 而雲吞水準出色, 肉和蝦比例是三七比, 爽口軟熟度剛好.最後, 還來多一客炸雲吞, 皮些少粉脆, 餡料與湯雲吞無異, 醮些酸甜汁, 十分開胃.