釜山炸雞批薩

Open Now

Now Closed

週末齊人外賣韓食美食回家食，主打炸雞和批薩味道唔錯，而且份量都幾多。泡菜煎餅 $108煎餅呈橙紅色口感軟淋，加上泡菜酸辣好有韓式風味。韓式炸餃子(8件) $88餃子皮薄香脆，餡料十足有菜肉粉絲，估唔到又幾好味。韓式烤肉批薩 $169批薩12寸薄批，餅底口感煙韌，塗滿茄汁相當開胃，仲有層芝士芝味十足，配料豐富有牛肉粒、火腿粒、青椒絲、橄欖等，面層有燒烤醬甜辣惹味，味道唔錯。炸雞二重奏 $219特色甜辣 + 蜜糖芥末炸雞炸雞揀咗無骨啖啖肉，唔會炸得好乾，加上醬汁兩款口味，特色甜辣經典美味，蜜糖芥末甜美可口，都幾好食。另送前菜(醃蘿蔔、酸青瓜)和汽水。