Video
Read full review
2016-05-22
952 views
成日都話女仔有兩個胃，一個係平日用嚟食飯，另一個當然就用嚟食甜品。但其實男仔鐘意食甜品嘅程度真係唔可以睇少，而今晚就去咗附近嘅kitchen J食飯，當中俾我發現佢有好多唔同種類甜品，用嚟醫第三個胃真係岩哂。Fish and chips $48上到枱嘅時候熱辣辣，而大廚亦好細心將炸魚切到一塊塊方便食用，而炸魚啖啖肉非常香口，送酒一流。經典法式火腿芝士流心三文治 $88雖然看似簡單，但實際真係好好味，麵包烘得香脆，而內裡除了有火腿、大量芝士外，最重要就係加入呢個三文治嘅靈魂：芥末醬，令食起上嚟有一個新鮮嘅風味。Four Cheese and Honey Pizza 8" $78Pizza個粉團經由大廚無數次研製而成，而呢個「黃金四色芝士蜜糖薄餅」有八吋及十一寸之分，四隻芝士混合唔算太膩，其實就咁食已經好好味，但亦可以加埋蜜糖變做第二種食法，鍾意甜食嘅我一定要試啦。Linguine with assorted mushrooms in cream sauce $88菇菌味好濃郁而且非常足料，而意粉煮得岩岩好非常彈牙，而且菇菌本身原味已經好出，所以唔需要調味已經好好食。Chocolate a
成日都話女仔有兩個胃，一個係平日用嚟食飯，另一個當然就用嚟食甜品。但其實男仔鐘意食甜品嘅程度真係唔可以睇少，而今晚就去咗附近嘅kitchen J食飯，當中俾我發現佢有好多唔同種類甜品，用嚟醫第三個胃真係岩哂。
Fish and chips $48上到枱嘅時候熱辣辣，而大廚亦好細心將炸魚切到一塊塊方便食用，而炸魚啖啖肉非常香口，送酒一流。
經典法式火腿芝士流心三文治 $88雖然看似簡單，但實際真係好好味，麵包烘得香脆，而內裡除了有火腿、大量芝士外，最重要就係加入呢個三文治嘅靈魂：芥末醬，令食起上嚟有一個新鮮嘅風味。
Four Cheese and Honey Pizza 8" $78Pizza個粉團經由大廚無數次研製而成，而呢個「黃金四色芝士蜜糖薄餅」有八吋及十一寸之分，四隻芝士混合唔算太膩，其實就咁食已經好好味，但亦可以加埋蜜糖變做第二種食法，鍾意甜食嘅我一定要試啦。
Linguine with assorted mushrooms in cream sauce $88菇菌味好濃郁而且非常足料，而意粉煮得岩岩好非常彈牙，而且菇菌本身原味已經好出，所以唔需要調味已經好好食。
Chocolate and banana Dessert Pizza $68今次呢個就係香蕉朱古力pizza，配搭非常之日式，而香蕉朱古力呢個組合又係冇敵，夾埋pizza一齊食真係好滿足。
Magic Melting Chocolate ball $ 58一個好有玩味嘅甜品，上枱時係一個好靚嘅白朱古力波，而店員將好香好濃嘅熱朱古力淋落去，朱古力波就開始溶開，而呢個甜品味道相當之唔錯，而strawberries加埋朱古力等等一齊食亦非常難忘。
Mixed Berries Crepes with ice cream $68賣相精緻，班戟亦好軟熟，而內裡亦有忌廉、雜莓等等非常夾，連埋雪糕一齊食真係甜到入心。
Post
