Made in HK Restaurant (Closed)

平時都有來食過中午，印象中食物，服務都係一般可接受，只係裝修幾好。昨日星期三來食中午好像有d生面口既侍應，叫人落單無人理，攞多杯水又無人理叫了兩個乜乜忌廉蝦炒意粉，成碟意粉水汪汪點解要叫炒意粉？不如叫湯意粉啦，味道又唔夠，都唔知係咪係咁落水煮所以又水汪汪又稀又唔夠味。另外仲有一個茄汁意粉就等左好耐，明明隔離台遲過我地落單都有茄汁意粉食，呢個意粉又唔水喎，同一時間意粉都唔同師傅做？個湯又杰撻撻咁。好小小既係羊架 略嫌多油同細件平時都唔覺係咁樣。廚房師傅水準不穩定。下次都未必再食意粉啦，甚至唔來食。