Video
Read full review
2020-04-25
572 views
要試到Jen Jen嘅捲蛋糕，真係唔容易，試過幾次開團都買唔到。朋友話原來星期六、日可以walk-in 買，今日有啲得閒就去碰下運氣！因為唔識路，原本諗住1530到，點知1520就到左。（排隊位都幾焗，仲要帶口罩😭）未到1550 已經有超過10人排隊。1603 左右終於都開門！因為即叫即切，所以等多10分鐘左右先可以拎。最受歡迎嘅抺茶味，即使每人只可以買一件，應該只有頭10個先買到，我聽到好快就無。四件蛋糕，五個人分享，整體黎講味道剛好，唔太甜太膩。各有各唔同喜好，以下會由淡味到濃味分享下味道：玄米茶芋泥生乳捲（最後）$58雖然哩件係最有份量，但佢係喺4件入面，係最普通嘅。玄米茶俾芋泥味遮到，要食到較後先岀到茶味；芋泥比較結實同有奶香。無油純玫瑰花伯爵茶捲蛋（第二）$52哩個大家都讚好，朋友形容為「驚艷」丫！蛋糕上嘅粉紅色係酸酸甜甜嘅莓味；伯爵茶味香濃到大家都擘大眼，絕對可以encore。三重濃小山園抺茶捲（第三）$55經典又岀名嘅抺茶捲，店員有特登提我要返屋企雪返實先好食。真係要實，我哋第三件先食，個心已經有少少溶，好難拎起。佢個抺茶係偏甘香，如果食唔慣可能會覺得苦，五個人入面有2個
要試到Jen Jen嘅捲蛋糕，真係唔容易，試過幾次開團都買唔到。朋友話原來星期六、日可以walk-in 買，今日有啲得閒就去碰下運氣！
因為唔識路，原本諗住1530到，點知1520就到左。（排隊位都幾焗，仲要帶口罩😭）未到1550 已經有超過10人排隊。
1603 左右終於都開門！因為即叫即切，所以等多10分鐘左右先可以拎。最受歡迎嘅抺茶味，即使每人只可以買一件，應該只有頭10個先買到，我聽到好快就無。
四件蛋糕，五個人分享，整體黎講味道剛好，唔太甜太膩。各有各唔同喜好，以下會由淡味到濃味分享下味道：
玄米茶芋泥生乳捲（最後）$58
雖然哩件係最有份量，但佢係喺4件入面，係最普通嘅。玄米茶俾芋泥味遮到，要食到較後先岀到茶味；芋泥比較結實同有奶香。
無油純玫瑰花伯爵茶捲蛋（第二）$52
哩個大家都讚好，朋友形容為「驚艷」丫！蛋糕上嘅粉紅色係酸酸甜甜嘅莓味；伯爵茶味香濃到大家都擘大眼，絕對可以encore。
三重濃小山園抺茶捲（第三）$55
經典又岀名嘅抺茶捲，店員有特登提我要返屋企雪返實先好食。真係要實，我哋第三件先食，個心已經有少少溶，好難拎起。佢個抺茶係偏甘香，如果食唔慣可能會覺得苦，五個人入面有2個都話佢係喺4件入面最好食。
三重芝麻麻糬芝士蛋糕 （第一）$55
「三重」包括：蛋糕上面嘅cream+蛋糕身+芝麻味麻糬，由於芝麻味實在太香，芝士味就唔見左。蛋糕食有粒粒芝麻，唔係細滑嗰隻；芝麻麻糬夠QQ。好在放最後食，如果唔係就食唔清上面嘅茶味。
Post
