black n white (Closed)

一直都好想試下呢間甜品店，不過由於地方太唔方便，所以上星期去完澳海城食飯先去呢度食甜品。我同家人去左櫃台揀甜品，結果試左兩款甜品。N1 Vanilla Napoleon: 我覺得賣相較特別嘅蛋糕，一上枱連兩粒朱古力螺絲裝飾，已經嬴左視覺上嘅滿足，好有美感。再食佢上層嘅cream加朱古力海綿蛋糕，甜度適中。中層嘅吉士忌廉好香滑，蜜糖酥皮卜卜脆。結果我分開左上中下三層食。Sea salt caramel mousse crumble：因為呢杯甜品所以我先黎食！我最愛嘅白朱古力，待應姐姐話可以扑碎半圓形嘅白朱古力先食。下面嘅焦糖脆脆加中間層忌廉先prefect。焦糖味夠香口，忌廉亦不會過份甜膩。Black n White 入面每件蛋糕都可以當藝術品欣賞，睇得出師傅真係用心出品！