Video
Read full review
2008-02-13
今日係初七人日，成個部門黎呢度食餐開年飯生日飯。之前專登睇過食評，好似麻麻，但係今次親身體驗過之後，覺得都唔係咁差！服務態度OK喎，食物都好味喎，我仲覺得甜品方面好好添！我地所點菜色如下：溫室蕃茄：果然係一道好好既頭盤，味道好清甜，感覺新鮮，但係最最好味係佢既汁，係日本芥末芝麻醬黎架！好香芝麻味，如果用黎撈冷麵既話，一定掂！擔擔撈麵：雖然要左少辣，但係我唔太頂得順辣味架，所以都覺得幾辣下，同事既回應係：「唔係下話？咁都叫辣？」佢地仲邊食邊話非常滋味，咁我覺得，花生味又真係好重既，但係辣味仲強喎。如果食得辣既朋友，應該會覺得好味既，我諗；紅油抄手：味美，但太辣；梅子汁炸魚：雖然係炸，但係一D都唔熱氣，仲唔油添架，真係好難得喎！反而酸酸地既梅子汁好美味，我地問左個侍應用既係咩魚，佢即刻幫我地走入廚房問，原來係比目魚；大肚婆炒飯：份量好少咋，好大欖仁味，算幾特別；魚湯泡飯：竟然有驚喜！面頭有切片油炸鬼，已經夠好味，湯飯中仲混入脆卜卜蝦米，有口感又美味，而且魚湯又新鮮呢，食得過呀！炒什菜：十分十分普通，唔特別，食唔過。至於甜品，就有紅豆豆腐布甸、荔枝雪糕、咖啡凍伴牛奶雪糕、焦糖炸香蕉伴雪糕。我
之前專登睇過食評，好似麻麻，但係今次親身體驗過之後，覺得都唔係咁差！服務態度OK喎，食物都好味喎，我仲覺得甜品方面好好添！
我地所點菜色如下：
溫室蕃茄：果然係一道好好既頭盤，味道好清甜，感覺新鮮，但係最最好味係佢既汁，係日本芥末芝麻醬黎架！好香芝麻味，如果用黎撈冷麵既話，一定掂！
擔擔撈麵：雖然要左少辣，但係我唔太頂得順辣味架，所以都覺得幾辣下，同事既回應係：「唔係下話？咁都叫辣？」佢地仲邊食邊話非常滋味，咁我覺得，花生味又真係好重既，但係辣味仲強喎。如果食得辣既朋友，應該會覺得好味既，我諗；
紅油抄手：味美，但太辣；
梅子汁炸魚：雖然係炸，但係一D都唔熱氣，仲唔油添架，真係好難得喎！反而酸酸地既梅子汁好美味，我地問左個侍應用既係咩魚，佢即刻幫我地走入廚房問，原來係比目魚；
大肚婆炒飯：份量好少咋，好大欖仁味，算幾特別；
魚湯泡飯：竟然有驚喜！面頭有切片油炸鬼，已經夠好味，湯飯中仲混入脆卜卜蝦米，有口感又美味，而且魚湯又新鮮呢，食得過呀！
炒什菜：十分十分普通，唔特別，食唔過。
至於甜品，就有紅豆豆腐布甸、荔枝雪糕、咖啡凍伴牛奶雪糕、焦糖炸香蕉伴雪糕。
我最鍾意荔枝雪糕，真係好有荔枝味，好清新，甜度適中，仲有三粒小小荔枝果肉，好味呀！其次係紅豆豆腐布甸，個布甸好香好滑，豆腐味幾重，面頭紅豆夠晒多，紅豆同豆腐呢個配搭．真係天衣無縫呀！炸香蕉伴雪糕呢，最好味係個雪糕，原來係自家製，唔怪得咁香咁濃香蕉味啦，但係一D都唔膩喎！至於個咖啡凍，我比較喜歡面頭既牛奶雪糕，但係呢款雪糕比較咁，感覺較heavy，雖然都好味道，但係比起荔枝雪糕同埋香蕉雪糕，就遜色左少少喇！
對於呢餐，我好滿意喎！唯一所欠既係，個餐裨仲有多甜品未試，好想試晒呢！
Post