紅豆冰室 (康怡廣場北座)

Open Now

Now Closed

新開張已經食咗兩次，第一次食嘅時候openrice未有，所以將兩次食評夾埋一齊。呢間冰室唔需要等位，因為入面勁多位，同時間記住啲間係茶餐廳類，唔好期望有好特別嘅嘢食，雖然佢有好多唔同嘢食畀你揀，但係都係叫返啲茶餐廳會見到嘅嘢食會比較穩陣。焗菠蘿吉列豬扒飯，焗飯響茶餐廳入面其實最穩陣，味道都正常，份量都唔少。常餐沙嗲牛通，味道符合一般茶餐廳水準。晚餐通菜牛肉，牛肉份量都多，可能係因為即刻炒嘅緣故，通菜唔係話好入味，底部嘅通菜就有汁，味道唔會太鹹。腿蛋公仔麵，呢一個係單點食物，係細食人士嘅福音。太古冇乜茶餐廳嘅選擇之下，呢間會係其中一個選擇，所以keep住都有人食