滬江飯店 (Closed)

好好好姊妹請食生日飯，佢推介臭豆腐，平時只會響MK食嘅街頭小食，坐在環境舒適嘅地方，哩個升級版臭臭由廚房到上枱係無味，食嘅時候就聞到濃濃臭豆腐味，好神奇，外脆內軟兼辣咀，醮甜、辣醬別有一番風味。冷盤雪菜白肉的雪菜好零碎，內裡加一薄片青瓜，就算醮汁都比較淡口，好清爽，不過重口味嘅我唔太鍾意。孜然羊肉先將羊肉片炸到酥香，另加芹菜香，佐酒應該好惹味。辣子雞啖啖肉，炸至鹹香，份外香口。煎鍋貼皮薄而且軟熟，餡料好多菜味道適中，所以唔覺油膩。