Su Casa (Moved) New Location

聽聞石門有間親子餐廳唔錯，今晚同埋亞仔過嚟食，一入嚟店員已經拎顏色筆及畫紙俾阿仔玩，而呢度嘅兒童餐兒童餐有三款，$68，我哋要咗A餐有魚餅、胡麻沙律同埋茄汁粟米雞粒意粉，最特別係用一架車嚟載着，小朋友見到當然好開心啦！而且仲有一個驚喜就係叫兒童餐有得抽獎啊！臨走嘅時候搵店員係一部小型扭蛋機嗰度扭個小玩具出嚟，真正又食又拎呢！睇得出呢間餐廳都幾有心思！至於大人梗係食大人嘢啦，呢度有生蠔食，不過今日唔食啦，反而叫咗個招牌蠔湯試吓，真係好有蠔味！喜歡蠔嘅朋友可以一試。主菜要紐西蘭肉眼扒，估唔到又整得幾好喎，肉眼厚身但係所到肉汁，肉味香濃，肉質柔軟。