Video
Read full review
2022-07-12
103 views
呢日過咗去金鐘做嘢，放工把握機會約朋友喺附近食飯。太古廣場一向比人嘅感覺就係貴💰，不過我竟然喺度發掘咗一間性價比非常高嘅泰國菜餐廳「Apinara🇹🇭」。後尾同其他朋友傾開，先知原來佢網上仲有賣套餐卷，抵上加抵！餐廳菜式選擇繁多，餐牌大本到一個點，具圖片同文字介紹，每款都好吸引，令人心大心細。佢價錢其實同九龍城啲泰國舖唔爭得遠，貴大約兩成左右，但留意返份量係倍半呢。我哋好彩只係嗌咗一份主菜，否則一定食唔晒🙈。泰式椰子雞湯($108)，呢個椰子雞湯不得了，係我飲過最好飲，沒有之一🤤。湯品味道拿捏得好好，甜鹹酸辣兼備，椰子香味濃郁，亦滲出淡淡香茅味。同時，湯料好豐富，雞肉好滑、好大嚿🐔，另外仲有大量草菇。由於有火㷫住個湯，所以全程保持熱辣辣。泰式東北小食拼盤($158)，佢同一般嘅泰式拼盤唔同，蝦餅、魚餅、春卷同串燒等通通都無❌；皆因佢集結咗四款來自泰國東北地區流行嘅地道小食。圓形嗰粒係東北豬肉丸，外皮酥脆，但估唔到中間部份咁鬼辣🌶。扁身嘅清邁香腸食落有少少似臘腸，幾得意；而月亮形狀嘅泰式香腸就大件啲，外層腸衣薄脆，入面則係肉丸嘅口感。肉碎沙律較為常見，而且竟然係口味最清新嘅一款。拼盤份量
呢日過咗去金鐘做嘢，放工把握機會約朋友喺附近食飯。太古廣場一向比人嘅感覺就係貴💰，不過我竟然喺度發掘咗一間性價比非常高嘅泰國菜餐廳「Apinara🇹🇭」。後尾同其他朋友傾開，先知原來佢網上仲有賣套餐卷，抵上加抵！
餐廳菜式選擇繁多，餐牌大本到一個點，具圖片同文字介紹，每款都好吸引，令人心大心細。佢價錢其實同九龍城啲泰國舖唔爭得遠，貴大約兩成左右，但留意返份量係倍半呢。我哋好彩只係嗌咗一份主菜，否則一定食唔晒🙈。
泰式椰子雞湯
$108
25 views
0 likes
0 comments
泰式東北小食拼盤($158)，佢同一般嘅泰式拼盤唔同，蝦餅、魚餅、春卷同串燒等通通都無❌；皆因佢集結咗四款來自泰國東北地區流行嘅地道小食。圓形嗰粒係東北豬肉丸，外皮酥脆，但估唔到中間部份咁鬼辣🌶。扁身嘅清邁香腸食落有少少似臘腸，幾得意；而月亮形狀嘅泰式香腸就大件啲，外層腸衣薄脆，入面則係肉丸嘅口感。肉碎沙律較為常見，而且竟然係口味最清新嘅一款。拼盤份量多，每樣有三件，但各式味道分別唔算好大，都係肉碎類嘅小食，所以適合一班人食多啲👨👩👧👦。
大蝦蝦頭膏炒河粉
$118
21 views
0 likes
0 comments
大蝦蝦頭膏炒河粉($118)，炒河粉超大碟🥢，其實兩個人齋食佢都已經飽咗。泰式河粉同港式唔同，麵條又寬又薄，唔會碎濕濕，而且口感亦夠晒滑嘟嘟。河粉用蝦頭油炒香，惹味得嚟唔重口味，但食到底就避免唔到油咗少少。🦐餸料只得鮮蝦，不過有五大隻，質感爽彈。
香蒜炒雜菜($78)，雜菜款式多元化，包括有西蘭花、椰菜花、菜芯、芥蘭、椰菜、粟米筍同紅蘿蔔等。炒菜比起其他菜式相對普通🥦，不過用香蒜炒唔油膩，食得多濃味嘢食返條菜清清味蕾都唔錯。
班蘭班戟伴雲呢嗱雪糕
$88
24 views
0 likes
0 comments
鮮椰子沙冰
$58
12 views
0 likes
0 comments
環境方面，餐廳位處得呢個商場當然有返咁上下🌟，裝修頗有氣派，用上雲石枱，感覺有少少似酒店。不過整體氣氛讓人放鬆，而且餐枱闊落，客人坐得舒服。
總括嚟講，呢間泰菜店質素非常高，食物味道同賣相令人好滿意💯，亦難得地抵食，絕對係PP內嘅開心大發現。我仲有好多菜式想食，特別係啲甜品，下次會再嚟幫襯，而且會預先買定Coupon添😝。
Post
