kitchen J (Closed)

平時間唔中都會過黎黃埔做野，經過呢間餐廳好多次，一直都無機會試，今日經過，見唔洗等位，就入黎試下啦。2個人叫左2個餐，每個餐可以配沙律再加湯或者飲品一杯，而我地最後就選擇左飲品。一向好喜歡食沙律既我，覺得呢個沙律好吸引，D 菜好新鮮，個沙律汁都好好味，又唔會過多，感覺好清新。和風照燒雞 PIZZA可以揀8寸同11寸，唔大食既我地當然揀左8寸啦，呢個PIZZA係今次午飯之中我最喜歡既菜，紫菜+雞肉+薄餅配合得好好，加埋燒汁真係好惹味。唯一美中不足既就係雞肉比較少，加多少少就真係PERFECT啦。茄汁奄列飯其實就係蛋包飯再加D蕃茄汁，味道好香濃，茄汁香甜為主，食起黎真係幾開胃。蛋又無過熟，奄列多汁軟滑，整體上味道香而可口，好好味呀。食完之後再配上一杯熱咖啡，真寫意。