Video
Read full review
2016-02-27
991 views
肚餓未諗到食乜，周圍行下睇下有咩好食，見到有間西餐廳門口個Brunch menu，大部份餐都收$88，元朗區的午餐算係貴既級別。職員好有禮貌，行出黎歡迎我地，最後友人見到Egg Benedict 出現係個餐牌度，友人雙眼發光，於是入去一試。我鍾意食薯條，所以叫左配有薯條既 Angus Beef Burger。個餐可以加$20加個湯，今日係粟米濃湯，個湯好快就上左，味道唔錯，粟米應該係用搞拌器打過，粟米溶曬落個湯度，但因為掛住食所以冇影相。第一碟食物終於到，唔知係咪因為我地係第一枱，食物既賣相同個味道都好精緻，最欣賞係隻碟都係熱既。在同區我未試過有咁細心既西餐廳。 友人對Egg Benedict 既要求是何其高，雖然唔係佢心目中既超好食，入面既parma ham都偏咸，但係可以用好味黎形容。跟住隔左一陣就黎左我個7成熟既Angus beef burger，第一啖當然係食薯條，薯條係焗既，個表皮好脆，薯條味超重，好味呀！本人好少食burger，但都覺得唔錯，舊牛好厚，但唔會太生或太熟，麵包烘得剛剛好。所以我唔理肥爆都食曬成碟。時間岩岩好，職員就問我地要咩餐飲，我叫左cappuccino，友
我鍾意食薯條，所以叫左配有薯條既 Angus Beef Burger。
個餐可以加$20加個湯，今日係粟米濃湯，個湯好快就上左，味道唔錯，粟米應該係用搞拌器打過，粟米溶曬落個湯度，但因為掛住食所以冇影相。
第一碟食物終於到，唔知係咪因為我地係第一枱，食物既賣相同個味道都好精緻，最欣賞係隻碟都係熱既。在同區我未試過有咁細心既西餐廳。 友人對Egg Benedict 既要求是何其高，雖然唔係佢心目中既超好食，入面既parma ham都偏咸，但係可以用好味黎形容。
跟住隔左一陣就黎左我個7成熟既Angus beef burger，第一啖當然係食薯條，薯條係焗既，個表皮好脆，薯條味超重，好味呀！本人好少食burger，但都覺得唔錯，舊牛好厚，但唔會太生或太熟，麵包烘得剛剛好。所以我唔理肥爆都食曬成碟。
時間岩岩好，職員就問我地要咩餐飲，我叫左cappuccino，友人叫了芒果茶。細心既職員提友人泡一陣先好飲，亦有主動加水，唔怕我地 hea 好耐都唔肯走。習慣返工既忙碌在這裡幫我放鬆了很多。亦因為咁，JC Room 贏得我第一篇食評，真心希望佢地可以保持用心既態度。
我絕對會推介此店給朋友，大家亦不妨一試。
Post
