廣記粥店

Open Now

Now Closed

開心食到一間感覺街坊街里嘅好味粥店，裏面裝修好舊，可能令人感覺唔太衛生。但事實上我又見唔到枱櫈污糟，或者食具好濕有殘渣痴住嘅情況。粥店都幾多員工，各施其職，見到佢地一邊傾工作一邊開心笑，大家都無停手，對客人亦唔會怠慢，好禮貌好親切。香芋南瓜排骨粥 - 裡面有兩大舊好滑嘅芋頭、一小舊排骨肉，睇到粒粒煲到好熔嘅米粒同南瓜粒，粥底好滑。艇仔粥 - 粥底滑，仲見到米粒，有魷魚、肉碎、花生。油烤鬼、炸兩 - 炸器無得頂，唔會硬掘掘，無油益味，外脆內軟。腸粉好滑，配上甜豉油無得彈，證明新鮮製。咸肉糉 - 簡單就是美，肥豬肉、咸蛋黃、綠豆、糯米，黏性夠，糯米散發住肥豬肉同糯米嘅香，好味道。