大灰熊廚房 (Under Renovation)

依排食得太多靚靚餐廳，係時侯普普通通咁食下家常菜！今次去咗將軍澳嘅大灰熊廚房，試咗佢哋嘅粟米豆腐羹、粟米斑腩、椒鹽粟米同蝦仁炒蛋。首先係粟米豆腐羹去暖下胃，呢個湯好滑順，加入咗新鮮嘅粟米粒同豆腐，啖啖足料，而且重有蛋花，一個唔錯嘅日常湯。飲住湯，緊係要食埋一個餐前小食，所以我叫左一個椒鹽粟米。外脆內甜，椒鹽調味，味道香濃又開胃。粟米嘅甜味同椒鹽嘅鹹香完美結合。呢道菜式絕對係椒鹽粉絲嘅最愛。主食方面，我就叫左蝦仁炒蛋同粟米斑腩。蝦仁係原隻大蝦，大大粒，新鮮彈牙，同炒蛋嘅柔軟口感形成了完美嘅組合。令到我食到勁飽。