Video
Read full review
2015-05-22
1460 views
一年一度嘅母親節又到啦~除咗自己要慶祝之外，當然仲要同埋我最愛嘅母親大人一齊食返餐好ga la！之前曾經係呢間三姐廚房食過一次，用餐感覺非常良好，上次因為有事所以join唔到朋友再o黎食，所以決定今次就係呢度食多一次！因為上次嘅菜式已經好滿意，而且又唔貴，所以今次都決定再食返同一個餐！原本諗住母親節正日去食，可惜，我已經預早o左成十幾日打去訂枱，但竟然都係full booking，仲要前前後後嗰幾日都爆晒，超唔開心...好彩，最後屋企人就到日子，所以就選擇提早幾日慶祝啦！訂枱嘅時候，店方仲好貼心咁問我有冇小朋友同手抱BB，話可以預返D high chair俾我，Very Nice！(之前曾經係觀塘食過另一間私房菜，已經一早講明有兩個五歲嘅小朋友，點知去到佢地只預咗大人位，連餐具都冇、張枱又迫又細，激到我地死咁滯)訂完檯收咗線，突然諗起嗰幾隻蟹！！！即刻大大膽咁打返去，問佢地可唔可以幫我轉羔蟹~我講明唔介意加錢，但店方話羔蟹比較難搵到大大隻，而且母親節比較忙，盡量幫我安排...原本都諗住又冇得食羔蟹，點知一上菜！！個個都"哇"！！！因為真係好鬼大隻，又鬼咁多羔！！！係我地全家都最鍾意嘅肥
除咗自己要慶祝之外，當然仲要同埋我最愛嘅母親大人一齊食返餐好ga la！
之前曾經係呢間三姐廚房食過一次，用餐感覺非常良好，上次因為有事所以join唔到朋友再o黎食，所以決定今次就係呢度食多一次！
因為上次嘅菜式已經好滿意，而且又唔貴，所以今次都決定再食返同一個餐！
原本諗住母親節正日去食，可惜，我已經預早o左成十幾日打去訂枱，但竟然都係full booking，仲要前前後後嗰幾日都爆晒，超唔開心...
好彩，最後屋企人就到日子，所以就選擇提早幾日慶祝啦！
訂枱嘅時候，店方仲好貼心咁問我有冇小朋友同手抱BB，話可以預返D high chair俾我，Very Nice！
(之前曾經係觀塘食過另一間私房菜，已經一早講明有兩個五歲嘅小朋友，點知去到佢地只預咗大人位，連餐具都冇、張枱又迫又細，激到我地死咁滯)
訂完檯收咗線，突然諗起嗰幾隻蟹！！！即刻大大膽咁打返去，問佢地可唔可以幫我轉羔蟹~
我講明唔介意加錢，但店方話羔蟹比較難搵到大大隻，而且母親節比較忙，盡量幫我安排...
原本都諗住又冇得食羔蟹，點知一上菜！！個個都"哇"！！！
因為真係好鬼大隻，又鬼咁多羔！！！係我地全家都最鍾意嘅肥美爆羔蟹呀~~~yammy yammy~~~
餐飯雖然只係短短嗰兩個鐘，但見到媽咪食得咁開心，竟然由頭食到落尾，我地全家人都覺得好感恩~
開開心心，又歡度咗一個母親節啦！~
最後一提：其實見到嗰碟蟹，我都幾忐忑不安，因為真係唔知要補幾多錢...>.<...點知一埋單，我又即刻哇哇哇...點解咁平ga！！！我地十四個大人，叫咗$288個嗰餐，但埋單連加一只係$4535，咁咪即係羔蟹嘅錢淨係收咗我100蚊咁大把(上次激死我嗰次食咗超過7仟，又趕頭趕命咁出菜，好似想快d趕我地走咁...離譜到爆炸)
因為怕係收銀計錯數要佢賠，所以我都有問佢地係咪計漏咗轉羔蟹嘅錢；
店方就話因為我好好傾，每次o黎又都食得咁開心(笑到嘈住人嗰隻^o^)，所以就蝕俾我都冇所謂咁話呀~真係超級大感動！因為荷包又可以重返D啦~ ^___^ ~
我同我honey講一定會繼續幫襯~~
我honey即刻同我講：老婆，妳咁難服侍都咁鍾意呢間嘢，不如妳問o下人地比唔比妳入股啦！~~hahahaha~~
薑蔥炒超大隻羔蟹 - 好味、好味、好味！！一食即愛上~~~
Other Info. :
除o左食物質素，店員嘅態度都非常重要！
呢間私房菜，不論食物同員工，我都要俾一個"超級讚"呀！~~ ^^ ~~
(The above review is the personal opinion of a user which does not represent OpenRice's point of view.)
Post