六十六十火鍋 (Closed)

今日系同男朋友行完街之後就好肚餓，見近近地就入左呢間打邊爐，又貪佢近地鐵站，打邊爐吹水吹到夜都唔驚。入到去先知除左正常打邊爐仲可以揀粥底火鍋，不過有機會下次再食，今次就食左佢個椰子雞湯底。上咗煲之後就上埋碟雞仲有兩粒桔仔，店員順便教埋幾時落雞同煮幾耐，同埋可以加桔仔汁落醬料到提升鮮味。食晒雞之後就開始到海鮮，每種海鮮份量都適中但勝在夠新鮮同種類夠多，啲海鮮上咗一陣到落鍋之前都仲識郁，而且睇得出系洗得乾淨同吐晒沙，齋食唔沾醬都食得出好有鮮味。最後到火鍋料，份量好足，差D食唔曬，其中想講下響鈴，餐牌到有講話系即場炸，浸一陣就食得，食得出同其他舖頭炸完放咗好耐個啲唔同，呢到好食好多，下次可以食埋粥底火鍋一定仲飽。( ͡° ͜ʖ ͡°)