JK Brother’s (Closed)

今晚喺尖沙咀打邊爐, 食店嘅裝修平實懷舊。放題都幾多元化, 有精美小食, 串燒, 炸蝦和雞翼, 還有芝士撻和牛角包, 還有日式刺身, 又可捉吓生蝦蒸煮, 有得食有得玩, 都幾得意。又有雪糕雪條和飲品, 唔驚打邊爐咁熱氣。壽喜燒火鍋湯底夠清甜, 火鍋食材任點, 款式都幾多。牛肉係打邊爐嘅主角, 牛肉嘅肉質唔錯, 任點任食夠盡情。還有鮮鮑魚, 肉質相當清甜, 食多啲都唔怕滯。扇貝大大隻, 肉厚又鮮甜, 日本和韓國生蠔, 肉質夠曬肥美, 食多幾轉都唔會覺腻。花魚片肉質鮮甜, 爽脆又冇骨, 呢個都幾啱食。刺身魚生都唔錯, 三文魚幾肥美, 蚌片八爪魚片夠爽脆。醬油蝦和醬油鮑魚夠曬入味, 肉質和口感都幾豐富。壓軸食番條足料芒果雪條, 食得開心又滿足。