Video
Read full review
2020-03-16
1596 views
真係好耐冇出街食飯, 悶到發慌了, 今日終於忍唔住獨自出上環搵食, 政府叫唔好gathering, 孤獨食不會口沫橫飛, 可以喇啩, 久仰大名的La Casa, 真正牛肉漢堡包!!美式漢堡包小店, 格局簡約光猛, 播著輕鬆節奏的英文歌曲, 好有holiday feel!!La Casa主打包漢堡包, 手工意粉及美式小食, 今日特登黎食呢個HEROES COMBO $188套餐。Heroes craft beer 手工生啤Heroes craft beer 可選light或重口味, Heroes係一個結集香港啤酒愛好者平台, 與其合作創造出獨特而具啟發性的啤酒出品。 手工生啤泡沫幼細豐富, 色澤金黃, 入口順滑, 清爽帶花香, 生啤首要條件就系要夠冰凍, 它很切合這個標準, 涼透心, 對我而言, light的麥味已夠了。 香脆薯角連皮炸, 炸得脆卜卜, 薯角內是軟軟綿綿綿的, 送酒一流.殿堂級美國西冷(200g)漢堡即叫即做, 份量十足, 大得雙手也抓不住, 圓大又高挑, 要有兩個口先可以一口咬到底, 本應要用附送的木刀切開才吃, 我就性格比較豪邁, 好冇儀態咁.......把口張到最
美式漢堡包小店, 格局簡約光猛, 播著輕鬆節奏的英文歌曲, 好有holiday feel!!
La Casa主打包漢堡包, 手工意粉及美式小食, 今日特登黎食呢個HEROES COMBO $188套餐。
Heroes craft beer 手工生啤
Heroes craft beer 可選light或重口味, Heroes係一個結集香港啤酒愛好者平台, 與其合作創造出獨特而具啟發性的啤酒出品。
手工生啤泡沫幼細豐富, 色澤金黃, 入口順滑, 清爽帶花香, 生啤首要條件就系要夠冰凍, 它很切合這個標準, 涼透心, 對我而言, light的麥味已夠了。 香脆薯角連皮炸, 炸得脆卜卜, 薯角內是軟軟綿綿綿的, 送酒一流.
殿堂級美國西冷(200g)漢堡
即叫即做, 份量十足, 大得雙手也抓不住, 圓大又高挑, 要有兩個口先可以一口咬到底, 本應要用附送的木刀切開才吃, 我就性格比較豪邁, 好冇儀態咁.......把口張到最大, 一口咬落去, 雖然咬唔曬由底到面, 但就開心指數即時爆燈
何為牛肉漢堡? 就是這樣, 看得見的美國西冷半生熟牛肉, 漢堡包以芝士軟包加茄汁底, 包面鋪滿幼條脆芝士絲, 焗得焦香脆口, 啖啖芝士香, 漢堡包很鬆軟, 牛肉因即叫既做, 肉汁特別豐富, 半熟狀態的美國西冷牛肉片嫩滑油香, 配上半溶狀態的芝士, 全熟的甜美洋蔥, 清新蕃茄片及脆口青瓜片及香辣醬汁, 帶點咖哩的香辣, 味道及口感都非常豐富, 很好味喔!!
牛肉汁....由於食到2隻手拈滿汁液, 為免沾污我的食物, 沒手拿手機影豐富的餡料了, 在心中, 在口中就好了
$188 有本地手工生啤飲, 有一個以美國西冷牛肉即制的超級大漢堡, 仲有炸薯角, 仲免加一, 飽到反艇! 好食又抵食!
Post
