三井日韓料理 (Closed)

行經旺角兆萬，見肚餓就去左三樓呢間叫三井放題！加五十蚊就升級任食，油甘魚刺身，珍寶赤蝦刺身，拖羅壽司，等等刺身夠新鮮，壽司都唔錯，最值得一讚，特別係黑魚子鵝肝蒸蛋，一定要試個蛋滑，配合埋黑魚子鵝肝，好甘香不斷想食！南瓜海鮮湯，味道夠濃，燒物亦唔錯，荔枝燒煙肉，將燒到好香口既煙肉包住粒荔枝！粒荔枝好香甜，仲有個燒雞泡魚乾~醬汁惹味~送酒爽呀！值得一讚現場野飲提供夠多，仲有雪條任食，甜品選擇亦夠多，荔技味雪糕係第二度比較少有，味道唔太甜，不錯！值得再去的放題！