花園酒家

Open Now

Now Closed

上星期六同埋幫親戚朋友一齊黎呢到打邊爐，初初諗住酒樓打邊爐唔會太多野食, 點知比我想像中多好多野食~一黎到就會送蝦同聖子，每人一隻不過聖子用黎打邊爐無咁好食, 首先係會甩左個殼，再淥耐D就會UN。我地叫左個蕃茄湯底，蕃茄湯底好香，好濃。而基本野食都好新鮮，係肥牛雪得比較硬，最開心既係佢有雞子，不過係細粒左D亦都有D幾特別既，例如黃鱔件，羊肉卷醬料都有好多花款，連芥末醬甜醬都有不過最衰係野飲, 得嘉士伯, 仙地, 汽水,雪碧,忌廉梳打仲有菊花茶, 酸梅湯,夏枯草, 不過呢3樣全部都係溝水溝到色都淡晒, 又無咩味, 得個凍字。食超過2.5小時都無人趕我地走大家有傾有講就食左成3個幾鐘，超開心不過要記得問佢係唔係有雪糕，D WAITER 先會拎張雪糕飛仔俾我地去拎雪糕，但只限一人一杯。而埋單都係178仲要無加1, 非常抵食。