Video
Read full review
2023-07-06
139 views
前陣子姨媽、姑姐親戚由加拿大返港到訪， 選擇咗位於沙田的麗豪酒店入住。晚飯時候就約埋一家，book咗酒店3樓餐廳《L’Eau 濠餐廳》食自助餐， 估唔到好鬼抵食。大人一口價$298， 已經包埋加一我， 食物嘅種類相當豐富。 而且坐得唔迫， 實屬消閒、傾計嘅好地方。首先講下啲頭盤， 有各種嘅cold cut， 包括煙三文魚，火腿以及沙拿美腸。另外亦有數款刺身， 雖然選擇唔算多， 但都有基本嘅三文魚、甜蝦、 章紅魚同希靈魚。以咁抵嘅價錢真係非常超值。沙律方面選擇亦好多， 最欣賞這個泰式柚子沙律， 味道酸酸甜甜， 而且帶點辣度， 非常開胃。另外講下呢度嘅熱盤， 有即席製作嘅藥膳雞絲米粉，按個人份量細細碗都得， 藥膳湯底甘甜，帶有藥材香，夠補身。喺池伴旁邊仲有一個泰式corner， 裏面有各種串燒，除咗有燒肉、羊架、燒香腸等等之外，仲有翠玉瓜同菠蘿等蔬菜，增添美味之餘， 同時亦食得更加健康。另外亦都有啲較為貴嘅食物包括芝士焗龍蝦， 雖然size細細，但仍然食出啖啖肉。最後呢度我覺得較為出色嘅係甜品， 食食下無端端聽到鈴聲， 原來係火山蛋糕出場， 大廚會在食客面前淋上酒再點火，打卡後再取。已經有
晚飯時候就約埋一家，book咗酒店3樓餐廳《L’Eau 濠餐廳》食自助餐， 估唔到好鬼抵食。大人一口價$298， 已經包埋加一我， 食物嘅種類相當豐富。 而且坐得唔迫， 實屬消閒、傾計嘅好地方。
首先講下啲頭盤， 有各種嘅cold cut， 包括煙三文魚，火腿以及沙拿美腸。
另外亦有數款刺身， 雖然選擇唔算多， 但都有基本嘅三文魚、甜蝦、 章紅魚同希靈魚。以咁抵嘅價錢真係非常超值。
沙律方面選擇亦好多， 最欣賞這個泰式柚子沙律， 味道酸酸甜甜， 而且帶點辣度， 非常開胃。
另外講下呢度嘅熱盤， 有即席製作嘅藥膳雞絲米粉，按個人份量細細碗都得， 藥膳湯底甘甜，帶有藥材香，夠補身。
喺池伴旁邊仲有一個泰式corner， 裏面有各種串燒，除咗有燒肉、羊架、燒香腸等等之外，仲有翠玉瓜同菠蘿等蔬菜，增添美味之餘， 同時亦食得更加健康。
另外亦都有啲較為貴嘅食物包括芝士焗龍蝦， 雖然size細細，但仍然食出啖啖肉。
最後呢度我覺得較為出色嘅係甜品， 食食下無端端聽到鈴聲， 原來係火山蛋糕出場， 大廚會在食客面前淋上酒再點火，打卡後再取。
已經有多年未食過這款經典的火山蛋糕， 裏面有一層雪糕，一凍一熱嘅口感非常特別，勾返起童年回憶。
另外呢度有多款賣相精緻嘅蛋糕，仲有燕窩燉蛋等等。 每一款甜度適中， 每一款試少少已經相當滿足。
最後一定唔少得嘅一定係Movenpick雪糕counter，攞完雪糕之後仲可以隨意放上各款裝飾， 啱曬小朋友。
一家人輕輕鬆鬆咁就到渡咗三小時， 各人都非常滿足， 除咗係食到飽飽之外， 最重要係可以見到多年冇見的親友， 大家講講近況， 互相慰藉，此刻無價。
Post
