Video
Read full review
2009-01-13
16 views
呢間outback最近屋企，所以間唔中會同屋企人黎食晚餐~裝修同其他outback都大同小異，都係暗暗既燈光同以木為主，好relaxed既ambience~唔講食物住，最最最抵讚係呢度既服務！男女侍應都好醒目，快手同埋有責任感，加埋個笑容親切，餐廳既management做得好~我地四個人，多數都會叫幾款野一齊share：Cheesy Fries - 次次都熱辣辣，溶左既芝士同D又脆又厚切既薯條好夾~ 呢個前菜送啤酒一流^^Deep fried mushrooms - juicy mushrooms唔錯，個dip都幾好味，不過呢…我唔太鍾意呢個前菜，因為breadcrumbs炸得比較硬，有時會整損得口黑糖包 - 其實冇d人講到咁好食既，甜甜地又夠熱，個spread都好creamy但係偏淡~ 我就比較鍾意食King Ludwig個farmer bread多D~ 各人口味唔同，我daddy就好鍾意喇~Caesar Salad with Prawn - 好多燒過既蝦哈哈，個dressing好味~House Salad - 好彩唔太大碟，新鮮雜菜，當然冇凱撒沙律咁好食啦~12oz Ribeye
呢間outback最近屋企，所以間唔中會同屋企人黎食晚餐~
裝修同其他outback都大同小異，都係暗暗既燈光同以木為主，好relaxed既ambience~
唔講食物住，最最最抵讚係呢度既服務！男女侍應都好醒目，快手同埋有責任感，加埋個笑容親切，餐廳既management做得好~
我地四個人，多數都會叫幾款野一齊share：
Cheesy Fries - 次次都熱辣辣，溶左既芝士同D又脆又厚切既薯條好夾~ 呢個前菜送啤酒一流^^
Deep fried mushrooms - juicy mushrooms唔錯，個dip都幾好味，不過呢…我唔太鍾意呢個前菜，因為breadcrumbs炸得比較硬，有時會整損得口
黑糖包 - 其實冇d人講到咁好食既，甜甜地又夠熱，個spread都好creamy但係偏淡~ 我就比較鍾意食King Ludwig個farmer bread多D~ 各人口味唔同，我daddy就好鍾意喇~
Caesar Salad with Prawn - 好多燒過既蝦哈哈，個dressing好味~
House Salad - 好彩唔太大碟，新鮮雜菜，當然冇凱撒沙律咁好食啦~
12oz Ribeye - (Medium) with baked sweet potato - 塊扒呢，就唔算特別靚既，因為美國同澳洲既扒都一樣，肉味重，但係肉質偏實~ 不過呢塊夠厚身，所以好juicy，同埋我食ribeye因為我鍾意食多脂肪既扒，鍾意D油香~ 所以呢到既扒都滿足到我~ 焗甜薯好甜，但係…確係太飽呢~
Outbacker - 普通，我唔認為burger唔係呢度既賣點，但係有人想食就要叫架啦~ 之後都冇再encore過~
Seafood Pasta - 偏劣，唔夠熱係一個問題，意粉唔係al dente都唔合我要求，海鮮唔鮮雖然普遍，唔代表我可以接受 (唔緊要，已經好飽喇)~
湯 - 細細杯，杰到暈~ 唔係話佢唔好飲，但係可免則免喇，因為真係好漏好頂胃
最緊要係每次一家人都食得開開心心，慢慢食又慢慢傾，所以自然會鍾意呢間steakhouse~ 始終食物都幾肥膩，所以唔敢去得好密，次次都食到捧住個肚返屋企~
埋單 $750
開心係無價既~
Post