Milu Thai มิลู่ไทย (百樂中心)

Open Now

Now Closed

今日同朋友去sogo行街，行行下肚仔餓要搵間餐廳食飯，朋友想食泰國菜又唔知食邊間好於是上openrice 邊間泰菜好d。一入餐廳見到牆上的畫七彩繽紛又幾特別，座位又舒服，燈光又明亮。椰青好清甜，珍多冰椰汁🥥香濃又不會太甜。黃咖哩炒大蝦🍤，用兩隻大大隻的蝦砌開一半，蝦肉爽口陣牙又鮮甜，黃咖哩又夠香濃又唔會辣，將黃咖哩撈埋白飯一起食更加美味可口。馬拉盞炒通菜，炒到剛剛好唔會過老又夠味道。菠蘿海鮮炒飯飯炒到粒粒分明，有蝦爽口又有魷魚🦑，菠蘿🍍，上面舖上肉鬆和腰果配埋一起食好美味。鮮檸檬肉碎明爐烏頭，上面舖上好多肉碎又有香料，烏頭大大條又新鮮，肉質滿飽又不會太鞋，魚肉索晒湯的精華好入味。