Video
Read full review
2023-05-30
33 views
✅我哋都好少會去港島區，今日就嚟試吓北角呢一間隱世Cafe ！佢就隱藏喺炮台山A出口附近，冇諗過係咁嘅區域都有一間咁特別嘅文青小世界。@bunphant.coffee 。開心果特調奶（凍）$55呢度簡直係開心果控嘅天堂！尤其是係呢一杯開心果特調奶，係我飲過最好味，最重開心果味嘅飲品。有冇試過去到好多飲品店都懷着希望去試一試佢哋嘅開心果產品，但係最後發覺開心果只係佢哋嘅噱頭，其實並冇開心果味㗎？喺呢度大家絕對唔需要擔心，佢哋開心果奶蓋同開心果醬都係自家特製，份量非常足，而且開心果嘅「濃度」都好高。佢同牛奶嘅碰撞非常之和諧，完全係我心目中嘅number one！。溶化朱古力 $50呢杯朱古力非常之有心思，除咗超級順滑濃郁嘅朱古力之外，仲有三粒棉花糖增加口感同埋甜度。如果就咁飲朱古力嘅話會發現啱啱入口嘅時候有啲苦澀，但係香醇嘅朱古力仲有好香嘅回甘，係視覺同埋味覺嘅一大享受！。士多啤梨烏龍冰梳打 $52.0呢一杯飲品，喺彩虹嘅顏色嚟㗎！除咗有豐富嘅起泡口感同埋士多啤梨嘅香甜之外，仲有烏龍茶嘅純粹。真係非常之清新，喺炎熱嘅夏天成為避暑嘅最佳選擇。細細聲話你聽裏邊仲有士多啤梨粒粒㗎！。魚湯泡雙米配
我哋都好少會去港島區，今日就嚟試吓北角呢一間隱世Cafe ！佢就隱藏喺炮台山A出口附近，冇諗過係咁嘅區域都有一間咁特別嘅文青小世界。
@bunphant.coffee
。開心果特調奶（凍）$55
呢度簡直係開心果控嘅天堂！尤其是係呢一杯開心果特調奶，係我飲過最好味，最重開心果味嘅飲品。有冇試過去到好多飲品店都懷着希望去試一試佢哋嘅開心果產品，但係最後發覺開心果只係佢哋嘅噱頭，其實並冇開心果味㗎？喺呢度大家絕對唔需要擔心，佢哋開心果奶蓋同開心果醬都係自家特製，份量非常足，而且開心果嘅「濃度」都好高。佢同牛奶嘅碰撞非常之和諧，完全係我心目中嘅number one！
。溶化朱古力 $50
呢杯朱古力非常之有心思，除咗超級順滑濃郁嘅朱古力之外，仲有三粒棉花糖增加口感同埋甜度。如果就咁飲朱古力嘅話會發現啱啱入口嘅時候有啲苦澀，但係香醇嘅朱古力仲有好香嘅回甘，係視覺同埋味覺嘅一大享受！
。士多啤梨烏龍冰梳打 $52.0
呢一杯飲品，喺彩虹嘅顏色嚟㗎！除咗有豐富嘅起泡口感同埋士多啤梨嘅香甜之外，仲有烏龍茶嘅純粹。真係非常之清新，喺炎熱嘅夏天成為避暑嘅最佳選擇。細細聲話你聽裏邊仲有士多啤梨粒粒㗎！
。魚湯泡雙米配帶子，蝦，青口及日本鱈場
蟹蟹肉$158
呢個魚湯泡飯都非常之有創意！米飯，並唔係傳統軟林林嘅飯，裏邊添加左脆米，令到成件事變得唔同晒！除咗可以豐富口感之外，仲可以令我哋眼前一亮！呢度嘅海鮮都非常之有誠意，又有蝦又有帶子，其中個人覺得最好味嘅係裏面嗰粒超巨型帶子！成個飯保留左海鮮嘅鮮甜味，又唔會有過多嘅調料，真係又健康又好味！
。開心果芝士蛋糕$65
嗱嗱嗱，你又見到開心果啦！今日我哋好好彩佢嘅是日特色甜品竟然係我想食好耐嘅開心果芝士蛋糕！同佢嘅飲品一樣呢間舖頭嘅發揮，一向都非常超水準，佢嘅開心果味同芝士味融合得恰到好處，芝士味記唔會蓋過咗開心果味，但係亦唔會淡都唔存在，相信呢度嘅廚師都係一個好講究好有心思嘅人。
Bunphant Coffee (北角)
北角炮台山宏安道18號威徳閣地下7號舖
Post
