Bunphant Coffee (Closed)

好難得weekday可以同男朋友一齊放假🥺，今日我哋一早定好行程去玩。嚟到炮台山，食個lunch，之後就去東岸公園行吓啦。呢間純白色嘅Cafe好啱打卡，我哋叫咗兩個set lunch再加開心果芝士蛋糕。點解揀呢一間Cafe都係因為有開心果嘅嘢食！青醬貝殼粉配香煎帶子（ $88 ）帶子煎得好香，好新鮮，好耐冇食青醬貝殼粉，所以覺得好清新。韓式泡菜豬肉豆腐鍋（ $78 ）加白飯（+$8 ）Ice mocha （ + $25 ）泡菜豬肉鍋個湯唔會好濃郁，或者太辣，算係比較清嘅鍋不過我最鍾意呢間Cafe嘅一定係佢嘅芝士蛋糕同埋嘢飲！開心果特調奶 （ 凍 ）（ +$27 ）呢個我真係想講非常非常之好味，佢係好濃味嘅開心果，仲有好多開心果醬，所以真係好好味！淨係我食lunch呢一個鐘已經有四五台客人都揀呢杯嘢飲，證明一定要試！開心果芝士蛋糕（ $65 ）呢個芝士蛋糕非常之夠開心果味，而且非常之綿滑，配埋嗰醬同埋擺盤咁靚，真係冇得輸，好好味！食飽嘢行過隔離東岸公園都係5分鐘左右，好適合情侶嚟拍拖打卡。今日可以喺男朋友返工之前有半日一齊拍下拖，覺得好似偷返嚟嘅一日咁。🤍🧡