CRAZYPIE

Open Now

Now Closed

狗狗爸爸帶嚟朋友請客的撻，仲係開心果味。睇番餅店的IG資料，1盒12件雜錦撻定價$330，平均~$30/件。開心果撻：望落幾大，秤重114克。入口已有一陣開心果味衝出嚟，口味幾明顯，但唔算好有果仁香或者有餘韻，佢提供到的係短暫的開心果味道。同時，撻的甜度幾重，尤其曲奇皮，會食到帶重甜味的顆粒感，甜度較霸道。對鍾情開心果甜品的人嚟講，呢款撻可以一試，入口已有開心果味，只係口感的層次一般，開心果味的果仁香較少，而另一考慮係呢個撻真係偏甜，令整體味道頗為單一。造型方面，呢款撻賣相平實、普通，反而禮盒內其他撻的造型會fancy少少。