Video
Read full review
2019-05-13
384 views
可能適合對象：開心果栗子雙重芝士蛋糕甜度（5星最甜）：⭐️⭐️⭐️濃度（5星最濃）：⭐️⭐️⭐️🍴：餐刀 ✖️/ 蠟燭 ✖️ / 冰袋 ✔️/ 紙盒✔️🏷：✖️（母親節蛋糕就未有得做住）💬：當日去到舖頭，兩位職員都好Nice。仲聽到有遊客唔知揀咩味嘅酥皮撻，佢哋都好Helpful。香港今時今日，唔係必然㗎啦，明啦！🛒：九龍城、上環、太子，將軍澳🔘：個裝 6”💰：$368（85折完，約$313）————————————————————————性價比：中仲有一個星期就到母親節，大家做好準備未？咁重要嘅日子，Caketionary又點能夠唔介紹返吓母親節蛋糕呢應吓節呢？今年，我哋有幸可以介紹到「酥妃皇后」嘅母親節蛋糕俾大家！首先，餅店個名經已夠貼切，母親仲唔係皇后！？再者，今次母親節嘅蛋糕仲要係開心果，講真，做仔女嘅，都好想媽媽日日開開心心，所以我覺得𠵱個蛋糕喺母親節送俾媽媽，真係可以特顯到佢哋嘅地位，同時又可以Show到你嘅孝心，真係啱到不得了！蛋糕方面，先由上至下咁講啦。蛋糕面係由多種nuts所配合去增加口感，包括有合桃、原粒糖漬栗子、杏仁、腰果、栗子蓉、兩片酥皮同開心果仁粒，所以鍾意合桃定腰果，分之前好揀定
甜度（5星最甜）：⭐️⭐️⭐️
濃度（5星最濃）：⭐️⭐️⭐️
🍴：餐刀 ✖️/ 蠟燭 ✖️ / 冰袋 ✔️/ 紙盒✔️
🏷：✖️（母親節蛋糕就未有得做住）
💬：當日去到舖頭，兩位職員都好Nice。仲聽到有遊客唔知揀咩味嘅酥皮撻，佢哋都好Helpful。香港今時今日，唔係必然㗎啦，明啦！
🛒：九龍城、上環、太子，將軍澳
🔘：個裝 6”
💰：$368（85折完，約$313）
————————————————————————
性價比：中
仲有一個星期就到母親節，大家做好準備未？咁重要嘅日子，Caketionary又點能夠唔介紹返吓母親節蛋糕呢應吓節呢？今年，我哋有幸可以介紹到「酥妃皇后」嘅母親節蛋糕俾大家！首先，餅店個名經已夠貼切，母親仲唔係皇后！？再者，今次母親節嘅蛋糕仲要係開心果，講真，做仔女嘅，都好想媽媽日日開開心心，所以我覺得𠵱個蛋糕喺母親節送俾媽媽，真係可以特顯到佢哋嘅地位，同時又可以Show到你嘅孝心，真係啱到不得了！
蛋糕方面，先由上至下咁講啦。蛋糕面係由多種nuts所配合去增加口感，包括有合桃、原粒糖漬栗子、杏仁、腰果、栗子蓉、兩片酥皮同開心果仁粒，所以鍾意合桃定腰果，分之前好揀定啦。但放心，除咗面嘅6款Nuts之外，成個蛋糕保守地可以分到8份，食邊件都好，裡面都一定會食到果仁粒！咁啱，8件當中，每一件都分到有開心果粒，大牙嘅凹位都可以充分地俾開心果粒堵塞咗。Nuts食得出脆口，唔係過期腍身嘅Nuts，唉喲，不錯喲！
而蛋糕嘅內涵係由兩層不同嘅口感層次做成。先係由Mascarpone芝士加栗子做成。栗子好濃味，好香，好輕身，好Soft，係食唔出好有罪惡感嘅芝士蛋糕感覺。雖則唔太食得出重芝士味，但栗子味好突出，好似食緊栗子蓉咁，又唔太甜，鍾意栗子蛋糕嘅人會幾鍾意𠵱一層。
而下一層，口感係明顯唔同，佢係開心果芝士蛋糕層。𠵱層就真係似食緊New York Cheesecake咁，糊口漿口一啲，但有香濃開心果味。食嘅時候，「Depp」真啲，係真係有開心果味，仲帶有重芝士味同少少芝士原有嘅酸味。而啱啱所講嘅，啖啖都有開心果粒，就係因為𠵱層芝士蛋糕層內藏開心果粒！咬中咗的話，係真係食到好香嘅開心果味，的確唔錯。但「Nuts多人不怪」，𠵱層再多啲會更Happy。而我覺得最為可以挑剔嘅部分會係個顏色較為瑩光，有種玩具感，但唔影響味道啫。
至於講到𠵱個蛋糕係酥妃皇后嘅出品，又點可以冇「酥」呢？啲酥就係圍係外圍嘅綠色片片。望落，成個蛋糕好草原，但食落其實唔係話好做到「畫龍點睛」嘅效果，更會覺得有啲嘥咗，因為口感冇話提升得好緊要。反而，如果個底，係用脆口鬆化嘅酥皮底做成，而唔係用海棉蛋糕，可能會做到一個層次係「軟、綿、脆」嘅感覺。
如果你媽媽係一個鍾意栗子，或者Nuts嘅愛好者，我相信會好啱佢口味！唔怕話俾大家聽，我媽媽經已率先試咗，佢鍾意嘅程度係食咗成個Quarter！一個Quarter呀！
之但係其實佢仲有另外三隻味，分別係芒果🥭、 伯爵茶咖啡☕️，同埋紅莓玫瑰🌹味俾大家揀！大家距離12號仲有一個星期，要訂，快手啦，Caketionary難得有優惠呀！！
開心果栗子雙重芝士蛋糕
$368
17 views
0 likes
0 comments
Post
