糕點時光

Open Now

Now Closed

北角最近新開一間外形橙色好打卡able嘅cafe📸一直bookmark好想試吓，今次終於嚟拜訪，原來係主打傳統糕點社企 - 糕點時光嘅主題cafe！佢哋一直為基層長者同金齡婦女提供工作機會，同時傳承製作多款傳統糕點嘅手藝，好有心🥰Cafe環境好懷舊，室內外都好啱打卡，室外位置仲係pet friendly添🐶呢度有售多款傳統糕點小食，好似菲林卷、飛機欖、DIY糖蔥餅等，另外亦有淮山麵、碗仔翅等鹹點。趁住開心果熱潮，而家仲推出期間限定嘅開心果祭💚開心果控一定要快啲嚟試吓😎期間限定大熱開心果祭🎉🍡開心果脆脆糖不甩 $68見到店員即場整，糯米團幾煙韌有咬口，花生碎換上開心果碎好正🥳重點係搭配嘅開心果沾醬，勁香濃，烘焙味好香😋🍡爆餡開心果糯米糍 $13糯米糍同樣煙韌，唔會黏牙，厚度剛好👍🏻𥚃面嘅開心果碎好爆餡，幾香口，完全唔甜😽🍵濃香開心果牛乳 $48開心果味好天然好香，都係開心果控必試item😆推介指數（10分為滿分）：8分