Balalaika (Closed)

7月24日，老公為我補祝生日，特登訂了此餐廳，因為是king parrot會員關係，續會時送上免費2人餐。此處服務一流，侍應知道我們是第一次幫襯，熱情地介紹菜式，由於二人餐已很豐富，故只加了兩款帶有酒精的飲品。一開始，有小食拼盤，隨後侍應叫我們試入雪房，然後會為我們上湯。我起初好擔心要穿上fur，因為我很愛小動物，覺得穿fur很殘忍，不過知道老公好想入去，唯有跟從，但當侍應遞上外套時，就知道唔係果回事，因為毛質好差好假，相信並非真fur，故沒有難為感覺。入到去唔覺好凍，但好得意，好好feel，見到滿櫃volka牌子，突然在牆中有一侍應拉開木板，問我們有否興趣試volka，見到價錢不太貴，反正果餐唔使錢，故試下la。侍應嘗試了解我們的味，推介了兩個牌子，後來試左青蘋果及桃味，味道不錯。出返去時，侍應果然上湯，然後是大盤串燒，上串燒時，原來會在人客面前點火，然後一齊拍手掌，味道不錯。整體氣氛及食物質素不錯，一邊食，一邊有俄羅斯音樂伴隨，我都想試下d甜品，但係太飽及太醉，留返下次先試la。