Video
Read full review
2010-07-27
100 views
嗰晚同朋友响尖沙咀食完飯, 先得嗰九點, 諗住搵個地方坐低飲杯嘢傾下偈, 於是就去咗棉登俓睇睇, 行下行下, 俾呢間酒吧o既裝修吸引咗入去......(門口有幾張地台式o既枱, 唔知係咪咁講呢, 總之係要除鞋先可以坐o既, 門入面有兩張圓形o既卡位枱, 超特別~~~) 我哋一行三男兩女入到去, 本身想坐圓形卡位, 但由於full 咗, 所以就坐咗入面啲梳化......話時話, 入面都幾舒服, 啲梳化同攬攬都令到我哋坐得幾舒服, 加埋啲音樂, 令到個人可以好放鬆~~~到叫嘢飲時, 有朋友想飲紅酒, 但又唔係太熟酒名, 所以就叫咗個姐姐嚟介紹下, 佢就介紹咗哋飲一隻紅酒, 但個名就唔多記得, 但朋友話都ok喎, 而且價錢都唔貴, 都係$580; 而我同另一個女仔就每人叫咗一杯cocktail嚟飲, 我就叫咗一杯叫Terminator (個名好似好英咁...hahaha), 而朋友就叫咗杯Good Sex....不過當我飲第一啖時, 呢杯嘢真係名符其實(啲酒好哽, 可能酒o既成份比較多啦), 飲咗一啖就無再飲喇, (因為怕醉) 其間有個侍應哥哥唔知係咪見到我杯嘢無掂過咁, 就問我點解,
我哋一行三男兩女入到去, 本身想坐圓形卡位, 但由於full 咗, 所以就坐咗入面啲梳化......話時話, 入面都幾舒服, 啲梳化同攬攬都令到我哋坐得幾舒服, 加埋啲音樂, 令到個人可以好放鬆~~~
到叫嘢飲時, 有朋友想飲紅酒, 但又唔係太熟酒名, 所以就叫咗個姐姐嚟介紹下, 佢就介紹咗哋飲一隻紅酒, 但個名就唔多記得, 但朋友話都ok喎, 而且價錢都唔貴, 都係$580; 而我同另一個女仔就每人叫咗一杯cocktail嚟飲, 我就叫咗一杯叫Terminator (個名好似好英咁...hahaha), 而朋友就叫咗杯Good Sex....
不過當我飲第一啖時, 呢杯嘢真係名符其實(啲酒好哽, 可能酒o既成份比較多啦), 飲咗一啖就無再飲喇, (因為怕醉) 其間有個侍應哥哥唔知係咪見到我杯嘢無掂過咁, 就問我點解, 我咪同佢講杯嘢太哽, 我飲唔到! 後來佢就問我鍾意飲咩味o既酒, 我就話我鍾意bailey啲味多啲, 咁佢就話換個杯嘢俾我試, 佢俾我嗰本係叫Bailey's Daiquiri, 好得意架, 又有朱古力粉响面, 味道又O喎...最緊要係佢免費幫我換吖嘛...呢啲咪係今時今日應有o既服務態度囉~~~
唔知係咪因為星期五, 個場都好爆, 所以啲waiter/waitress 有時都睇唔到我哋叫佢, 但係佢哋不時都會周圍望下, 所以落單都唔駛等好耐......
仲有呀, 呢間酒吧仲有得叫嘢食, 見隔離枱叫咗啲小食同pizza, 都好想叫嚟試下, 無奈真係太飽, 唯有等下次先再試啦~~~
總括而言, 呢間嘢都唔差, 起碼佢個環境同服務都唔錯, 加上嗰度啲waiter/waitress雖然係個樣cool啲, 但其實佢哋都幾幽默, 仲同我哋一齊講笑tim~~~所以值得推介~~~
Post