Video
Read full review
2009-04-18
11 views
早一排約左好友亨利去佢家中打機兼睇波, 適逢食飯時間主人家決定黎呢一區搵野食; 好友亨利嫂就決定去"喇沙"食飯, 點知去到都幾多人, 要等一斷時間, 於是就行過隔離街睇下有咩好食, 師傅知道呢度有間新嘅意大利野, 但就未試過, 商量左一陣大家決定入去一試!入到去坐底, 環境光猛, 地方清潔, 而呢度只要柯打晚餐, 就可以有免費沙律吧, 於是諗左一陣就落單, 師傅柯打左香煎極黑豬扒拼帶子伴甜椒配燒汁, 而好友亨利就揀左蜜糖燒春雞伴南瓜薯茸, 亨利嫂就要法式胡椒香燒牛柳伴炸薯角配紅酒汁!先講下個免費沙律吧, 沙律吧選擇唔算多, 有餐湯, 沙律, 火腿, 青口等等, 坦白講味道不算太出色, 但又唔係太出差, 如果驚主餐唔陪飽, 咁沙律吧絕對可以讓你食過夠; 不過餐湯就幾好, 青豆蓉湯入口帶少少鞋, 因為係青豆苛蓉嘅關係, 不過味道不錯, 絕對係餐前最好嘅配搭; 食到咁上下待應先開始上主菜, 好有秩序, 絕對冇催促趕嘅感覺!好, 師傅先講下香煎極黑豬扒拼帶子伴甜椒配燒汁, 帶子有兩隻, 食落口發覺肉質幾靚, 冇梅嘅感覺, 加上味道鮮甜, 不錯; 再試下個極黑豬扒, 老實講算師傅孤陋寡聞, 咩野
入到去坐底, 環境光猛, 地方清潔, 而呢度只要柯打晚餐, 就可以有免費沙律吧, 於是諗左一陣就落單, 師傅柯打左香煎極黑豬扒拼帶子伴甜椒配燒汁, 而好友亨利就揀左蜜糖燒春雞伴南瓜薯茸, 亨利嫂就要法式胡椒香燒牛柳伴炸薯角配紅酒汁!
先講下個免費沙律吧, 沙律吧選擇唔算多, 有餐湯, 沙律, 火腿, 青口等等, 坦白講味道不算太出色, 但又唔係太出差, 如果驚主餐唔陪飽, 咁沙律吧絕對可以讓你食過夠; 不過餐湯就幾好, 青豆蓉湯入口帶少少鞋, 因為係青豆苛蓉嘅關係, 不過味道不錯, 絕對係餐前最好嘅配搭; 食到咁上下待應先開始上主菜, 好有秩序, 絕對冇催促趕嘅感覺!
好, 師傅先講下香煎極黑豬扒拼帶子伴甜椒配燒汁, 帶子有兩隻, 食落口發覺肉質幾靚, 冇梅嘅感覺, 加上味道鮮甜, 不錯; 再試下個極黑豬扒, 老實講算師傅孤陋寡聞, 咩野係極黑豬呢? 不過一放入口發覺肉身鬆軟, 味道都煎得幾香, 配埋燒汁, 非常可口, 好明顯呢個極黑豬比平時嘅豬扒靚好多!
而師傅亦有幸試到享利夫婦嘅主菜, 蜜糖燒春雞伴南瓜薯茸, 師傅就試左燒春雞, 雞真的燒得好香, 可惜比較乾身, 而肉質比較鞋, 所以唔吸引, 就連好友亨利都覺得一般; 而胡椒香燒牛柳伴炸薯角配紅酒汁, 師傅亦試左少少牛柳, 牛柳肉身鬆軟, 牛味都幾香, 如果係嗜牛者就不容錯過! 食到飽飽仲有餐茶同甜品, 餐茶師傅揀左熱檸檬茶, 茶味一般, 味遁一般, 不過依然有消滯作用; 而甜品師傅淨係食左雪糕, 可以啦!
總括黎講食物質素算得上中上, 服務態度友善, 環境光猛, 算不上高格調但絕對舒服, 價錢接受到, 舊鬆水有咁多野食同咁嘅水準, 收貨啦; 師傅覺得最開心就係可以同亨利夫婦咁樣食餐飯, 真係仲想點呀? 師傅亦要多謝亨利夫婦嘅招待, 縱使曼聯最後慘敗, 但開波前一粒鐘嘅晚餐絕正, 呢間食店係可以再黎, 笑臉當然要比啦!
Post
