六十年代

Open Now

Now Closed

今日起身超肚餓，貪快同唔洗自己煮就打左個電話落去六十叫左個早餐G。早餐G原本係蕃茄雜菜扭扭粉，可以自己揀兩個餸或者一個肉，咁我就要左豬扒一個餸。而原本既扭扭粉我都加$5將佢轉左做烏冬，因為我個人比較中意食烏冬。另外叫左杯凍檸茶添。叫好之後我就去換衫刷牙，時間過左大約15-20分鐘，我就落去拎外賣。落到去比好錢就已經有得拎啦，十分慳時間同方便，岩晒我呢啲懶人。豬扒同烏冬係另外上既，食個陣就自己將麵倒落湯底度，咁豬扒同烏冬就唔怕因為外賣等侯時間變到腍晒啦。湯底係蕃茄雜菜，裏面有薯仔，洋蔥，蘿蔔同蕃茄，十分開胃，食到我要飲埋個湯底先得。食到咁上下口渴，飲埋個凍檸茶就岩岩好啦，檸茶甜酸度啱啱好，所以我每次都會叫凍檸茶飲。價錢方面都幾抵食，因為外賣自取係有9折，所以我個早餐只係$38。