小魚兒 (富麗花園) (Closed)

近日熱辣辣又悶熱，無咩胃口，所以特別想去餐廳，嘆勁冷氣食酸菜魚💚!🐟老壇酸菜魚豆花+江團魚(BB辣)老壇酸菜勁惹味，配菜有豆花，青瓜，寬粉，芽菜，芫荽，乾辣椒🌶️。對於唔食得辣嘅我，BB辣就剛剛好，少少辣味吊起鮮味，恰到好處。依家早鳥優惠，用海鱸魚嘅價錢，就可以免費升級江團魚，而且七點半前離座可享全單八折👏🏻 👏🏻👏🏻!!! 另外追加了紅薯粉及鮮鵝腸，估唔到鮮鵝腸份量十足，配上酸菜魚湯，去除了腥味，更加入味，爽脆口感更加令人食唔停。主菜江團魚十分推介，肉質肥美，油香且啖啖肉，配上爽口酸菜，非常合襯又惹味。兩人食一份真係超級超級滿足。