樂舍 (Closed)

6:45入座，時間尚早所以人唔多。環境寬敞、舒適。安排坐圓形卡位，兩個人可以靜靜享受晚餐。香蒜欖油蝦意粉大蝦有成四五隻，望落充滿油光。有少少辣, 口感煙韌，希望可以蒜油味再多啲。同埋份量適合女仔多啲。石燒牛肉眼招牌菜！！特別地用石頭燒住上碟，本身應該係煎過表面再上碟，熱辣辣好難唔好食。食呢個可以話要同時間鬥快，開頭幾舊真係好好食，肉味重香肉質夠淋又Juicy。食得慢啲都會過熟變韌😆但開頭真係可以做到medium rare！另外仲有黑松露薯條同埋雞泡魚乾。雞泡魚乾都值得一試，記得要配酒喎！