匠工房秀吉 (Closed)

今晚係間房到忙到踢晒腳既時候，同房竟然買左大判燒番尼俾我做宵夜，真係好開心呀！！衣間野既炒麵同小丸子就食得多，大判燒真係未試過，今次同房仲要買左紅豆同吉士兩隻味番尼。先試吉士果款，大判燒食落時仲係暖暖地，餡都幾多，吉士甜甜地但質感同平時食果啲有啲唔同，唔算好滑。身為紅豆迷既我梗係要將好野放係後頭啦，紅豆餡好足料，甜度適中，作為宵夜真係好滿足！