皇廷工房點心專門店 (Closed)

本身以為點心專門店就會好貴，點知入到去先發現係相反，價錢比想像中平好多。都有好多上班族幫襯。裝修走年青化路線，坐位就類似茶餐廳。蝦腸粉比較特別，係用蝦膠做餡料，少少彈牙，腸粉皮薄又軟糯。我覺得幾好喎。懷舊鵪鶉蛋燒賣，見襯都會叫，平時比較少食到。鵪鶉蛋同豬肉餡撞埋一齊，香而不膩。松露野菌餃，好多餡，滿滿菇菌，味道好香，外皮厚薄適中，鍾意食菌類嘅人會好喜歡。充滿肉汁嘅小籠包，可以用手拎起錫紙嘅部份嚟食，雖然皮唔夠薄但咁多肉汁都加咗分，滿意嘅。