Video
Read full review
2012-04-30
89 views
香港這幾天都落著滂沱大雨，邊度都唔想去，不過講到食品香樓，再預訂埋手撕雞，真係大一大雨都要去！ 對上一次食都己經講緊成半年前，仲好掛住佢D手撕雞同埋熱炒！來到南山村既戶外大排檔，行過少少既平台就係品香樓。宜家擴充到本店以外，隔離黃色舖都係佢既分店，雖然舖位宜家大左好多，但係唔訂枱都真係排等。今次除左手撕雞，仲叫左黃金蝦、賽螃蟹、西蘭花炒斑塊、椒鹽豆腐同埋黑椒牛柳粒。上菜速度好快，大約十五分鐘就上晒枱，除左黃金蝦同凍食既手撕雞，其他都熱辣辣！好似豆卜咁，外皮脆，多汁，細細件，少少辣，不過多汁，香口，拌飯餸酒都好正。黃金蝦係我個人好鐘意既菜式，所以要求都幾高，呢度既黃金蝦上菜時己經唔係好熱，無左蛋黃既香氣，加上蝦過油過得唔夠已經唔脆，所以唔可以連瞉食，幸好是油不多，食落唔會太過油膩，內裡既蝦都幾大隻，食落口感唔錯，唔會乾。不過講到尾，呢味餸最好都係葵通金潮係最好，瞉都食埋！諗起都想食！西蘭花出奇地唔多油，一般西蘭花會吸唔少油，但係呢個算好清爽；斑塊有返咁上下厚度，而且肉一D都唔鬆散，好似新鮮拆出來咁，當然唔會好似蒸出來個D咁滑，但係都唔會食到雪藏味，正！上枱既時候，呀姨會幫佢喺個底度點火，
今次除左手撕雞，仲叫左黃金蝦、賽螃蟹、西蘭花炒斑塊、椒鹽豆腐同埋黑椒牛柳粒。
上菜速度好快，大約十五分鐘就上晒枱，除左黃金蝦同凍食既手撕雞，其他都熱辣辣！
好似豆卜咁，外皮脆，多汁，細細件，少少辣，不過多汁，香口，拌飯餸酒都好正。
黃金蝦係我個人好鐘意既菜式，所以要求都幾高，呢度既黃金蝦上菜時己經唔係好熱，無左蛋黃既香氣，加上蝦過油過得唔夠已經唔脆，所以唔可以連瞉食，幸好是油不多，食落唔會太過油膩，內裡既蝦都幾大隻，食落口感唔錯，唔會乾。不過講到尾，呢味餸最好都係葵通金潮係最好，瞉都食埋！諗起都想食！
西蘭花出奇地唔多油，一般西蘭花會吸唔少油，但係呢個算好清爽；斑塊有返咁上下厚度，而且肉一D都唔鬆散，好似新鮮拆出來咁，當然唔會好似蒸出來個D咁滑，但係都唔會食到雪藏味，正！
上枱既時候，呀姨會幫佢喺個底度點火，賣相一流，仲可以收乾D汁！不過底部既洋䓤全部都係生既，所以唔食得，牛肉粒有D唔夠腍。但係味道好夠，黑椒味夠濃，肉汁亦能夠保持喺裡面。
正！賽螃蟹本身係蛋白，但係佢加入左唔少蟹肉同埋帶子，口感豐富，而且非常大碟，雖然係比較油，但係食落味道剛好，唔會太鹹，亦唔會口乾，一定會ENCORE！
主菜上場，好大碟！廚師拆晒所有肉落來，加埋特製既汁伴好，加上黑芝麻上碟，凍食好清爽，而且D雞絲好滑，即使唔係雞脾部份，都係好滑，同埋入味，帶有少少麻油香，正！鐘意既可以加埋沙茶醬食，又另一番味道。仲可以飲多杯凍朱古力！肥仔又滿足既一餐！
Other Info. :
要食手撕雞一定要訂，每日大約得廿隻。
(The above review is the personal opinion of a user which does not represent OpenRice's point of view.)
Post
