Video
Read full review
2008-02-25
17 views
當晚倍朋友去尖沙咀攞返啲衫，便順便喺尖沙咀搵嘢食，本來想去Regal Kowloon Hotel食buffet，因為有優惠，不過打去訂位，個Reception好似唔想做咁，話冇哂位，再問幾時先有位，佢話要整個月後先有，心諗：咁好生意？我個優惠都過咗期啦！朋友記得Patio Coffee Shop有buffet，之前食過都唔錯，而且HSBC咭有折，便決定試下，好彩打去訂位，Reception話今晚都幾full，要坐近走廊嘅枱，問我哋介唔介意，我哋心諗有得食都好！我哋六點三左右到，未有好多人，坐低張枱也很濶落，不過就真係唔可以放多張椅擺嘢，唯有放响地下。我哋好快就去攞嘢食，我先攞咗啲生蠔，不算很大隻，不過滿滿的，任揀，感覺不錯。生蠔不錯，也算新鮮，消了半打又半打。又拿了些長蟹腳及中草蝦，很甜，不過我朋友郤拿了些不太甜的蟹腳，但蝦都是很甜。跟着我拿了燒牛肉，可能是第一個攞，師傅給了我兩大片，吃了也覺得飽了，要休息一會才繼續。她們的三文魚菠菜卷真不錯，又吃了兩大塊，真是值得推介。壽司魚生只是一般，都是喜歡到日本專門店吃。她們有燒德國香腸和其他燒物，我本來叫了些燒羊排，但師傅說剛燒完，下輪先再有
朋友記得Patio Coffee Shop有buffet，之前食過都唔錯，而且HSBC咭有折，便決定試下，好彩打去訂位，Reception話今晚都幾full，要坐近走廊嘅枱，問我哋介唔介意，我哋心諗有得食都好！
我哋六點三左右到，未有好多人，坐低張枱也很濶落，不過就真係唔可以放多張椅擺嘢，唯有放响地下。我哋好快就去攞嘢食，我先攞咗啲生蠔，不算很大隻，不過滿滿的，任揀，感覺不錯。生蠔不錯，也算新鮮，消了半打又半打。又拿了些長蟹腳及中草蝦，很甜，不過我朋友郤拿了些不太甜的蟹腳，但蝦都是很甜。
跟着我拿了燒牛肉，可能是第一個攞，師傅給了我兩大片，吃了也覺得飽了，要休息一會才繼續。她們的三文魚菠菜卷真不錯，又吃了兩大塊，真是值得推介。
壽司魚生只是一般，都是喜歡到日本專門店吃。
她們有燒德國香腸和其他燒物，我本來叫了些燒羊排，但師傅說剛燒完，下輪先再有，我便拿了剛才提到的三文魚菠菜卷，吃完了才再去拿羊排，誰知又錯過了，師傅便叫我等一會，他怱怱的給我燒羊排，還問我想要多熟，真是酒店的服務水準，不過羊排的味道一般，可以不試。
之係我見還未有人拿我至愛的Hagen Daz雪糕，我便出去拿，不過至有草苺味，香草味和加有果仁的，沒有我喜歡的芒果及朱古力味…因為比較新鮮，很難才弄到一球，本想每口味也弄一球的，但可能弄得太久，弄到第二球已有人等候，唯有先讓他人吧，不過我發覺她們沒有朱古力漿，我只好不要臉的拿了些朱古力噴泉的朱古力漿吧！嘻嘻…
她們的甜品真是一般，沒有太大的驚喜，不過不失吧！很喜歡玩她的朱古力噴泉，不過很快便沒有串串菠蘿和草苺，只剩下哈密瓜，但她們又不添加…失敗！
整體服務水準很好，我愛吃的食物水準也不錯，不過真的很多人，比較嘈雜了點，晚飯通常也是這樣吧…
Post
