七月餐室 (Closed)

前兩日收工去九龍灣既「七月餐室」食晚飯🥣，餐廳既晚市小菜十分多元化✨，仲有其他馬來亞喇沙及傳統港式炒粉麵飯等等，而且食品非常有質素。七月小炒皇$72有多款餐廳推介既小菜，其中小炒皇係每間中式餐廳既技巧小菜，小炒皇夠曬鑊氣👍🏻，九菜菜爽口有咬口，加埋蝦乾等配料，十分好味，而且油份剛好，唔會太油膩。蜜桃🍑甜酸百花球$78蜜桃酸酸甜甜，十分開胃，而用蝦膠打成既百花球，表面微脆，肉質夠彈牙，十分好味😋。西蘭花炒班片$75屬於健康好味既清新小菜，西蘭花🥦青綠新鮮，而班片每塊都夠曬大塊，肉質夠嫩滑，絕對推介。餐廳各款小炒都夠曬鑊氣又好味，質素非常高。