新合成燒臘飯店

Open Now

Now Closed

🔸古法叉燒 $60/半斤🔸燒腩仔 $60/半斤-今日外出佐敦工作後，途經新合成燒臘店，看門面明爐燒味非常吸引，就斬料返屋企加餸啦！揀咗一份我至愛嘅叉燒，同一份男朋友最鍾意食嘅燒腩仔，各半斤，返到屋企仍然係暖的，而且賣相靚仔吸引。叉燒半肥瘦，燒得有少少燶邊真係超正，肉質軟熟唔老柴，加上外層搽滿甜甜的蜜汁，我覺得係好味嘅叉燒嚟！燒腩仔較瘦，但超級脆皮，加上少許肥肉，男朋友都覺得滿意！估唔到隨機亂入都買到靚燒味，下次有機會經過會再encore！