Video
Read full review
2013-10-20
1303 views
原本諗住想去果間竟然full咗, 果日都只係星期一晚, 第二日又唔係假期, 天氣又熱, 都唔知點解咁多人打邊爐? 於是即刻上嚟search沙田仲有邊間打邊爐好, 就見到呢間好似幾抵食咁, 於是就決定一試............我一早去到攞位, 已經有好多人食緊, 果時只係七點半左右, 當我坐低時, 伙計低張咭, 寫住我坐低的時間, 我再周圍望下, 先知原來限時3個鐘, 但我d朋友都已經嚟緊, 又諗下3個鐘應該都夠食有餘, 所以由得佢, 如果限食2個鐘, 我諗我會等埋全部人到齊先拎位lor~~呢度係自助形式, 自己出去拎食物, 支裝汽水又任飲, 好啱一大班後生仔嚟食, 自己鍾意食乜就夾乜, 完全不受限制, 但就最好食幾多拎幾多, 食完再拎, 唔好咁貪心一次過拎好多, 其實佢都不停refill, 到時除咗食唔哂會浪費外, 仲會有surcharge, 但幾多我就知, 因為响我前面比錢果班人就係浪費食物, 不過收銀亞姐好人, 今次只係口頭警告, 冇upcharge佢~湯底方面, 只有清湯、沙爹、鴛鴦、皮蛋芫茜, 我地就選咗皮蛋芫茜, 但佢個湯底好流, 一d都唔值$48, 成煲所謂湯, 只係有1
我一早去到攞位, 已經有好多人食緊, 果時只係七點半左右, 當我坐低時, 伙計低張咭, 寫住我坐低的時間, 我再周圍望下, 先知原來限時3個鐘, 但我d朋友都已經嚟緊, 又諗下3個鐘應該都夠食有餘, 所以由得佢, 如果限食2個鐘, 我諗我會等埋全部人到齊先拎位lor~~
呢度係自助形式, 自己出去拎食物, 支裝汽水又任飲, 好啱一大班後生仔嚟食, 自己鍾意食乜就夾乜, 完全不受限制, 但就最好食幾多拎幾多, 食完再拎, 唔好咁貪心一次過拎好多, 其實佢都不停refill, 到時除咗食唔哂會浪費外, 仲會有surcharge, 但幾多我就知, 因為响我前面比錢果班人就係浪費食物, 不過收銀亞姐好人, 今次只係口頭警告, 冇upcharge佢~
湯底方面, 只有清湯、沙爹、鴛鴦、皮蛋芫茜, 我地就選咗皮蛋芫茜, 但佢個湯底好流, 一d都唔值$48, 成煲所謂湯, 只係有1只皮蛋+1小樶芫茜+1包李錦記豬骨火煱上湯, 然後加熱水, 果包上湯仲要係比你自己落, 非常唔抵...........我朋友話以前唔係咁, 個湯好正的, 家陣就非常不知所謂, 就算係, 佢都應該落埋包上湯, 唔好懶成咁啦~ 唔知係晏咗定係果期冇乜海鮮? 只係得蝦毛仔同埋生蠔, 不過仲有好多其他嘢食, 肉片、丸類、菜等等, 好多種, 樣樣夾d都食唔哂, 係花多眼亂, 當然唔好期待佢d嘢係好貴, 但只要新鮮同乾淨, 我覺得都已經可以接受~汽水又任飲, 佢有支裝可樂、忌廉、芬達, 罐裝sandy, 3大個缸, 放滿水同冰, 全部自己嚟~
Post
