Video
Read full review
2020-10-26
5582 views
本身想食牛大人，但好多人排隊，就轉場去附近既海底撈。海底撈係香港開左咁耐，都係第一次食。6點半walk in等一陣就入得。8點走既時候見到好多人等位。(免費美甲)疫情下，入座時枱面已擺有消毒濕紙巾、口罩套及眼鏡用濕紙巾。侍應會送上一碟涼菜，並再詢問需唔需要用圍裙。用ipad落單半邊經典麻辣($88)&半邊清水火鍋($0)侍應話經典麻辣同清油麻辣火鍋既分別係前者有牛油，湯底會香d。第一次食緊係試經典，我地揀左正常辣度，夠麻夠辣，好正。下次有機會想試清油比較下有咩分別，同埋小辣。(註：4格湯底係無得揀經典麻辣)(右邊有2大件牛油)美國雪花和牛半份($109)香純既牛味，唔係好肥，口感唔錯，推薦。墨魚仔半份($24)比任食火鍋既大隻，肉質厚實，好食，推薦。翡翠墨魚滑半份($73)可以分成6粒，幾爽口，但好似擺左好耐，相對遜色。叫翡翠墨魚滑會附上豉油一碟。(隨翡翠墨魚滑附上一碟豉油)鴨血半份($24)跟一碟調味料，有花生碎、芝麻同辣粉。醮完既鴨血賣相幾得意，不過我地都係偏向唔醮，推薦。(左：隨鴨血附上一碟調味料)黑魚片半份($44)薄片，幾有魚味，爽口，好食，推薦。響玲卷半份($16)、魔芋絲
6點半walk in等一陣就入得。8點走既時候見到好多人等位。
(免費美甲)疫情下，入座時枱面已擺有消毒濕紙巾、口罩套及眼鏡用濕紙巾。侍應會送上一碟涼菜，並再詢問需唔需要用圍裙。
用ipad落單
半邊經典麻辣($88)&半邊清水火鍋($0)
侍應話經典麻辣同清油麻辣火鍋既分別係前者有牛油，湯底會香d。第一次食緊係試經典，我地揀左正常辣度，夠麻夠辣，好正。下次有機會想試清油比較下有咩分別，同埋小辣。
(註：4格湯底係無得揀經典麻辣)
(右邊有2大件牛油)
美國雪花和牛半份($109)
香純既牛味，唔係好肥，口感唔錯，推薦。
墨魚仔半份($24)
比任食火鍋既大隻，肉質厚實，好食，推薦。
翡翠墨魚滑半份($73)
可以分成6粒，幾爽口，但好似擺左好耐，相對遜色。叫翡翠墨魚滑會附上豉油一碟。
(隨翡翠墨魚滑附上一碟豉油)鴨血半份($24)
跟一碟調味料，有花生碎、芝麻同辣粉。醮完既鴨血賣相幾得意，不過我地都係偏向唔醮，推薦。
(左：隨鴨血附上一碟調味料)
黑魚片半份($44)
薄片，幾有魚味，爽口，好食，推薦。
響玲卷半份($16)、魔芋絲半份($14)
如果就咁浸麻辣湯底超索辣，浸落清水湯底過一過水比較好。
芝士蝦丸半份(免費)
蝦丸彈牙，芝士口感唔錯。
註：本身我地係點芝士牛丸，但廚房送錯單，上菜時俾左芝士蝦丸我地，我地話無所謂照要。過一陣待應表示係佢地出錯，所以free左尼碟蝦丸俾我地。
紅薯粉帶($32)
比平時厚身，無咁煙un。
芝士牛肉丸半份($44)
之後我地都係好想試下芝士牛丸，就再叫多次半份芝士牛肉丸。芝士味比芝士蝦丸出，唔會有根，好食。
任飲每位$15
每人叫左一罐可樂，但太辣，都係叫左任飲。
任飲有熱鮮磨豆漿、柑桔蜜同酸梅湯。豆漿唔甜，淡味，唔岩我；柑桔蜜唔解辣，但好飲；酸梅湯無飲到。如果再食應該只會叫任飲。
調味料每位$18
甜品：雪耳糖水(自取)
好潤，唔錯。
甜品：糯米糍
埋單後侍應會送上糯米糍，今次係香芋味。食完侍應會再問你要唔要再添。
侍應非常有禮，好熱情，時刻保持笑容。任飲既飲品明明打算自己斟，但侍應堅持要幫我地斟。
價錢需然比任食火鍋貴，但勝在不限時，唔使食得咁急。除左部份配料價錢比較貴，其他配料例如墨魚仔、鴨血、響玲、芋絲等等都幾抵食。同埋配料有得揀半份好貼心，可以試多d款式。
(個人口味S: 3.5/5)
(個人口味E: 3.8/5)
埋單後，侍應會送上一份小禮物，係自家品牌既零食。
Post
