牛角日本燒肉專門店 (PopCorn 2) (Closed)

同朋友去咗將軍澳同日出康城睇完樓，行到勁攰，夜晚就想食翻餐勁嘅去補足返日頭消耗嘅能量，係諗緊食乜之際，突然醒起滙豐信用卡去牛角食飯有優惠，就去食牛角。兩個人食，叫咗匯豐卡持有人先有嘅二人餐，加多份多春魚。再叫多兩杯嘢飲。燒肉拼盤 - 最期待嘅燒肉拼盤，包羅萬有，有牛肩肉、牛小排，牛舌、五花腩片、雞柳同拼盤中間嘅主角，日本九州極上黑毛和牛西冷。其他肉一般般啫，但個黑毛和牛就真係好食，夠肥，入口好快溶，唔錯。成餐飯兩個人埋單900幾蚊，抵唔抵見人見智啦☺️。