Video
Read full review
2012-08-15
3 views
我地果日系平日，七點左右去到，八個人都有位，好好彩唔洗等對野食好熟，點餐時可以問多兩句，佢地會有幾好ge推廌同埋提水，十五十六果陣唔一定要咁快下決定，可以問下佢地，而且唔會唔耐煩，仲幾好傾！不過入面通常得三四個人做野，兼之人多，見佢地都幾忙下，有時未必可以好快照顧哂咁多人。佢地上菜唔算快，但時間幾合理，你食到咁上下佢第二碟再泥，唔會一次過上哂，所以張台都擺得落d野。[不過佢ge烤餅多數都會系幾後面上，所以唔好食太快，到時冇哂咖哩汁點到野食，我冇食野前影相ge習慣，所以冇相睇= ="佢ge咖哩真系唔錯，叫個小辣咖哩基本上怕辣人士都食到。紅咖哩幾好食，白咖哩就冇咁辣，叫咖哩羊腩牛腩基本上系指定動作。佢個咖哩好香，入面料好足，腩都幾入味，點汁一流【不過撈飯會顯得較辣，要小心。佢出名ge仲有佢d烤餅！個千層酥餅同烤餅系唔同嫁，要小心唔好叫錯！千層酥餅比較好食，味道較香。牛油烤餅就實D，冇咩味。至於其他口味，薯仔烤餅系辣嫁，要小心芝士烤餅唔系想像中果d味，而系好淡ge甜味，印式芝士[我經常中伏叫左，太淡，基本上唔會系想食芝士ge人ge愛好，反而中意甜，淡口味人士會中意。蒜蓉烤餅好香，會系愛食重味
呢間米芝蓮餐廳好出名，好多人都知，電視台采訪過，甚至好多游客會泥幫襯。
間野有少少迫，位唔算多，建議唔好坐正廚房出面果張台，因為會好熱，果個位好多熱氣，冷氣唔系好夠。
呢間野氣氛好好，暗暗地，無論撐台腳定系一班人食飯都唔錯。
跟住講服務，個老細[男果個，仲有女果個]對野食好熟，點餐時可以問多兩句，佢地會有幾好ge推廌同埋提水，十五十六果陣唔一定要咁快下決定，可以問下佢地，而且唔會唔耐煩，仲幾好傾！
不過入面通常得三四個人做野，兼之人多，見佢地都幾忙下，有時未必可以好快照顧哂咁多人。
佢地上菜唔算快，但時間幾合理，你食到咁上下佢第二碟再泥，唔會一次過上哂，所以張台都擺得落d野。[不過佢ge烤餅多數都會系幾後面上，所以唔好食太快，到時冇哂咖哩汁點
到野食，我冇食野前影相ge習慣，所以冇相睇= ="
佢ge咖哩真系唔錯，叫個小辣咖哩基本上怕辣人士都食到。紅咖哩幾好食，白咖哩就冇咁辣，叫咖哩羊腩牛腩基本上系指定動作。
佢個咖哩好香，入面料好足，腩都幾入味，點汁一流【不過撈飯會顯得較辣，要小心。
佢出名ge仲有佢d烤餅！
個千層酥餅同烤餅系唔同嫁，要小心唔好叫錯！
千層酥餅比較好食，味道較香。
牛油烤餅就實D，冇咩味。
至於其他口味，
薯仔烤餅系辣嫁，要小心
芝士烤餅唔系想像中果d味，而系好淡ge甜味，印式芝士[我經常中伏叫左，太淡，基本上唔會系想食芝士ge人ge愛好，反而中意甜，淡口味人士會中意。
蒜蓉烤餅好香，會系愛食重味ge人ge愛好。
除此之外，佢地有個叫蒜子烤雞件GE，真系超好食，我每次去都要食呢個！
佢好香，但又唔會搶味，外面乾乾地，入面有肉汁嫁，又有蒜味，好好食！呢個極度推廌！
炒菜幾好，入味[其實唔系好記很系咩菜，但佢整得好好食
仲有飲品，佢ge冰沙好好味又好大杯！
真系冰沙而唔系出面果D一舊舊碎冰加汁！個冰沙好夠沙，仲有果肉系入面！
其他野食都唔系好記得啦！但系品質都好好，食得好開心！
Other Info. :
呢間野系我心目中既top3，忍唔住將第一個食評比佢！
系呢個暑假我就幫襯左佢三次[其實我真系想成日去嫁，奈何我啊媽唔中意食咖哩，兼之食呢間野搵五個人以上一齊食先有Feel嫁，所以先食得咁少！
有少少貴，但系野食值呢種價！
(The above review is the personal opinion of a user which does not represent OpenRice's point of view.)
Post