肯德基家鄉雞 (KFC)

Open Now

Now Closed

KFC，未食都大概諗到佢係咩味啦，話晒由細食到大，所以基本上見到KFC三隻字，就自然會諗起佢嘅味道，諗起佢嘅味道，就會間中都想食吓，就好似由細睇到大嘅波多野結衣，佢副偈齋諗都有基本畫面，雖則長江後浪推前浪，大把年輕貌美身材正，但人係感情動物，會念舊、會懷舊，間中都需要搵啲舊時情懷與味道回味下，所以既然lunch唔知食咩，就kfc啦，$72 二人餐，4件雞（香辣脆雞+狂野燒雞）、兩件葡撻、兩個飯、兩杯嘢飲。味道方面，無要求就唔會強求，誠如近年外畀批評一樣，啲雞發肉不良咁，瘦猛猛。傳統香辣炸雞，香同辣都未到合格線，而且乾爭爭，kfc真係要學下人哋波多野，幾廿年都keep得住細水長流。好彩，狂野燒雞輸唔晒。飯就太少汁喇，舔得落口嘅得返葡撻。老銅，兩個人食$72，算係咁啦。都係嗰句，kfc，食個舊時味道啫，諗諗下用波多野比喻，詆毀咗一代女神，小人該死。