芝樂坊餐廳

Open Now

Now Closed

利申，我唔鍾意食奶制成品其實聽到間嘢叫Cheesecake Factory已經完全冇興趣試，但有個fd好想試，又check過個餐牌有唔芝嘢食，就陪吓佢哋食啦！都知佢開咗一段日子，我18:30到攞飛，4人枱都要買等個半鐘入到餐廳第一感覺都幾大，第二感覺係好黑坐低冇耐就有人問你要唔要包，通常依啲美式餐廳好少會問你要唔要，係咪都俾咗你先，後來我終於明白點解，4個女仔，點咗每人一杯嘢飲，一碟caesar，水牛雞翼，蟹肉雲吞同carbonara，其實我哋本來想叫多樣嘢食，但我制止住班顛婆，嚟依度最大目的係食cake食緊舊包沙律就嚟到喇，好大碟，我就略嫌醬汁太多，但我有兩個fd係芝士控，就覺得最好味係個沙律; 分完沙律個雲吞就嚟喇，依碟嘢叫脆蟹肉雲吞，脆就脆喇，但一啲都冇蟹味(其實我好似食唔到蟹肉添)，裏面一pat白色芝士醬，連芝士控ss…都話唔得。好"lon lon"口食下一樣，buffalo wings，好大隻，味好濃，不過我覺得tabasco過濃，有少少過酸，最後carbonara，賣相出眾，係幾滑身，由於我對奶冇乜好感，落咗勁多黑椒，都難掩啲cream味不過對奶冇特別抗拒嘅人，應該會鍾意。